ეშლი იანგმა განაცხადა, რომ მოხარულია პრემიერ ლიგაში ახალი ტექნოლოგიის დანერგვით, რომელმაც "სტოკ სიტისთან" შეხვედრის ბოლო წუთზე ყველას ნათლად აჩვენა, რომ "იუნაიტედის" ყოფილ ფეხბურთელს, მამე დიუფს გოლი არ გაუტანია.

ინოვაცია გასული სეზონის დასაწყისში დაინერგა პრემიერ ლიგაში და მისგან "ოლდ ტრაფორდზე" გასულ თამაშში "იუნაიტედმა" უკვე ნახა სარგებელი, როცა "ჰალ სიტისთან" მატჩში კრის სმოლინგის მიერ თავური დარტყმის შედეგად გოლი დაფიქსირდა.

ტექნოლოგია "მეთუნეების" წინააღმდეგ მატჩშიც იქნა გამოყენებული, როცა დავიდ დე ხეას სეივის შემდეგ ასხლეტილ ბურთს მამე დიუფმა დაარტყა ფეხი და ეშლი იანგმა კარის ხაზიდან გამოიტანა.

"მოხარულები ვართ, რომ ახალი ტექნოლოგია დაინერგა. მსაჯი იქვე იყო თავისი მაჯის საათით, როგორც კი ბურთი ჩემ ფეხს შეეხო და მოვიგერიე, მაშინვე მას შევხედე გოლის დაფიქსირებას ხომ არ აპირებდა. ის არ აპირებდა და გამარჯვების შენარჩუნებას ვეცადეთ, რაც ღვთისა და ახალი ტექნოლოგიის წყალობით მოვახერხეთ."

"დარწმუნებული არ ვარ, რას ვფიქრობდი მანამდე. ბურთის დარტყმის ვფიქრობდი ის ჩემს უკანალს მოხვდა, რის შემდეგაც მიმართულება იცვალა. ეს იყო რეაქცია, რომელმაც ბურთს მიმართულება უცვალა. დავინახე მამეს რომ მიუვიდა ბურთი და ჩემი რეაქცია მხოლოდ ფეხის დადება და საუკეთესოს იმედია ქონა იყო. საბედნიეროდ მომენტი განვმუხტე, მაგრამ ვიგრძენი, რომ ჩვენ ვიყავით გუნდი, რომელსაც უფრო მეტი გოლის გატანა შეეძლო."

"ჩვენ სამი ქულა ავიღეთ და ახლა მოუთმენლად ველოდებით მომდენო მატჩს."

"ბოლო წუთებზე ძალიან გაგვიჭირდა, მაგრამ ვიცოდით რას გააკეთებდა "სტოკი" - უკანასკნელ 10 წუთში ჩვენზე ზეწოლას მოახდენდა."

"ვგრძნობდით, რომ ეს მომენტი ახლოვდებოდა და გუნდურად უნდა დაგვეცვა თავი. ყველანი შესანიშნავები იყვნენ. მეკარიდან დაწყებული ფორვარდებამდე დამთავრებული. მოხარულები ვართ, რომ სამი ქულის აღება მოვახერხეთ." - განაცხადა იანგმა.

წყარო: manutd.com