"სტოკ სიტისთან" გამართული შეხვედრის შემდეგ, რომელიც ვან გაალისთვის ზედიზედ მეოთხე გამარჯვება გამოდგა, ჰოლანდიელმა ინტერვიუ მისცა.

ლუი, რას იტყვით დღევანდელ მატჩზე?

ეს ნამდვილად არ იყო ჩვენი კლუბის საუკეთესო თამაში. ვფიქრობ, პირველ ტაიმში არასაკმარისად აგრესიულები ვიყავით და მოედანზე უპირატესობის შენარჩუნება ვერ შევძელით, ამიტომ შესვენებაზე უკმაყოფილო გავედი. ვფიქრობ, მეორე ტაიმში გაცილებით უკეთ ვითამაშეთ. მეტი საგოლე მომენტი შევქმენით და გავიტანეთ, მაგრამ უფრო მეტი უნდა გავიტანოთ. იმიტომ, რომ საგოლე მომენტი კიდევ ჰქონდა ფელაინის, ჰქონდა ერერას და უილსონს მეორე ტაიმში. მაგრამ შემდეგ მოედანზე შედის კრაუჩი და იწყება მაღალი ბურთების ჩაწოდება, რაც ყოველთვის უსიამოვნოა. თუმცა ძალიან კმაყოფილი ვარ, რომ ჩვენთვის დადებითი შედეგის შენარჩუნება მატჩის ბოლომდე შევძელით.

მატჩის უკანასკნელი გაელვება უფრო ნერვული გამოდგა, რით აპირებთ ამის...

რა თქმა უნდა. ეს აუცილებელი არ იყო. მაგრამ ასეთია რეალობა (იცინის). ჩვენ ბოლომდე ვიბრძოდით, რაც პრემიერ ლიგის მატჩებისთვის ჩვეულებრივი საქმეა. ამიტომ ძალიან კმაყოფილი ვარ შედეგით. ეს არის ზედიზედ მეოთხე გამარჯვება. ხვალ წვეულება გვაქვს და კარგია, რომ მოწინააღმდეგეს ვძლიეთ.

მაშ, შეგიძლიათ ხვალინდელი წვეულებით დატკბეთ. მაგრამ თუ შეძლებთ გამარჯვებების მოპოვებას, თუმცა ცუდი თამაშის ჩვენებას და ტრავმებისთვის თავის დაღწევას, რამდენად კარგია ეს "იუნაიტედისთვის"?

ეს უბრალოდ შესანიშნავია, რადგან მინდოდა დღეს შეტევისთვის ახალი ფეხბურთელები ამერჩია. დი მარია და რუნი ტრავმირებულები არიან და შემადგენლობაში ახალი ფეხბურთელების არჩევა მომიხდებოდა, მაგრამ ტრავმებზე საუბარი არ მსურს. უნდა ვილაპარაკოთ მოთამაშეებზე, რომლებმაც გამარჯვება მოგვიპოვეს და მისთვის ბოლომდე იბრძოდნენ.

ვიცი, რამდენად უსიამოვნო იყო თქვენთვის სეზონის დასაწყისში შედეგის არ არსებობს. ახლა ბედნიერი ხართ?

ო, დიახ! მე უფრო მეტად გუნდის თამაში მაინტერესებს, ვიდრე შედეგი. მე გიჟი მწვრთნელი ვარ. ამიტომაც კარგი თამაშის ხილვა მსურს და "ჰალ სიტის" წინააღმდეგ მატჩში ვაჩვენეთ, თუმცა დღეს უკეთ თამაში შეგვეძლო.

"იუნაიტედს" "ჩელსისგან" 8 ქულა აშორებს. იტყვის კლუბი თავის სიტყვას ჩემპიონობისთვის ბრძოლაში?

ძალიან ადრეა ჩემპიონატში გამარჯვებაზე საუბარი, ეს ადრეც გითხარით. მათემატიკურად ჯერ კიდევ გვაქვს ჩემპიონობის შანსი, მაგრამ ეს ძალიან რთული იქნება. თუ ყველა მატჩის მოგებას გავაგრძელებთ, ყველაფერია შესაძლებელი.

უეინ რუნი უკანასკნელ მომენტში გუნდის შემადგენლობაში არ აღმოჩნდა. შეუძლია თუ არა მას ან სხვა ტრავმირებულ ფეხბურთელს მომდევნო კვირაში დაბრუნება?

დიახ. ხვალ რუნი გამოკვლევას ჩაიტარებს და მაშინ უფრო მეტს გავიგებთ. ძალიან მიხარია, რომ დი მარიას ტრავმა არასერიოზულია, ესე იგი, უფრო მეტი ფეხბურთელი უბრუნდება ვარჯიშს. გვირაბის ბოლოს უკვე ვხედავთ შუქს.

შესანიშნავია, სასიამოვნო საშობაო საღამოს გისურვებთ ხვალ!

ჰა-ჰა, გმადლობთ.



წყარო: carrick.ru