"მანჩესტერ იუნაიტედის" ზამთრის სატრანსფერო სამიზნეთა სია მადრიდის "ატლეტიკოს" მცველმა, დიეგო გოდინმა შეავსო.

"წითელი ეშმაკები" დაცვის ხაზში უსაზღვრო პრობლემებს განიცდიან. ლაზარეთში ლუი ვან გაალის გუნდის მრავალმა მცველმა მოასწრო ყოფნა, ზოგიერთი მათგანი კი ახლაც იქ იმყოფება.

The Telegraph - ი იტყობინება, რომ თუ იანვრამდე ტრავმების ეპიდემია არ შესუსტდება "იუნაიტედი" 28 წლის მცველისთვის იბრძოლებს.

ესპანეთში გატარებული წლების განმავლობაში გოდინმა დიდი გამოცდილება დააგროვა, რომელიც შეიძლება ითქვას ვან გაალის გუნდის დაცვის არც ერთ წევრს არ გააჩნია.

ურუგვაელის კონტრაქტი 2018 წელს იწურება, ხოლო ტრანსფერის გამოსასყიდ თანხად 28.5 მლნ. ფუნტი სახელდება.

წყარო: fapl.ru