ანდერ ერერა "ჰალთან" გამარჯვების შემდეგ.
გილოცავთ მატჩის საუკეთესო ფეხბურთელის წოდებას, თანაც სათადარიგოთა სკამიდან შემოსვლის შემდეგ. ეს მიღწევაა...ბედნიერი ვარ. მოხარული ვარ, რადგან "მანჩესტერ იუნაიტედის" გულშემატკივარმა "ოლდ ტრაფორდზე" უამრავი დიდებული ფეხბურთელი იხილა, ასე რომ ძალიან მიხარია. მადლობას ვუხდი თითოეულ მათგანს. ვეცდები მუშაობა და გუნდის დახმარება გავაგრძელო. რა თქმა უნდა თამაშითაც ბედნიერი ვარ.
ანხელ დი მარიას შეცვლის შემდეგ უფრო დატვირთული როლი გერგოთ. დიახ, 10 ნომრად ვითამაშე და ეს კარგია, რადგან პოზიციების შეცვლა შემიძლია. შემიძლია მწვრთნელს ბევრი არჩევანი მივცე. ვფიქრობ, ეს მიმდინარე სეზონში ჩვენი საუკეთესო თამაშია, მაგრამ მუშაობა და მატჩების მოგება უნდა გავაგრძელოთ, რადგან ლიგაში მაღალ საფეხურზე ყოფნა გვსურს.
რატომ ფიქრობთ, რომ შესრულება ასეთი შესანიშნავი იყო?იმიტომ, რომ ბურთს ვინარჩუნებდით. ხშირად არ ვკარგავდით. ვფიქრობ მწვრთნელის ჩანაფიქრი ზუსტად შევასრულეთ, რადგან ბურთის ფლობა 77%-ზე გვქონდა აყვანილი. ეს შესანიშნავი სტატისტიკაა. ძალიან ბედნიერები ვართ და ვფიქრობ ძალიან კარგი ფეხბურთი ვითამაშეთ, რადგან ბურთი და პოზიცია შევინარჩუნეთ.
"სტოკი" "ლივერპულმა" მხოლოდ უკანასკნელ წუთებზე გატანილი გოლით დაამარცხა - ეს იმას ნიშნავს, რომ სამშაბათს ისინი რთულად გასატეხნი იქნებიან?დიახ, არასდროს მინახავს "სტოკს" 4-0 ან 5-0 წაეგოს. ისინი თამაშში ყოველთვის იბრძვიან და ამ სეზონში გაცილებით უკეთ თამაშობენ, თანაც მიწაზე. რთული თამაში იქნება, რადგან "სტოკს" კარგი ფეხბურთელები ჰყავს, მაგრამ ჩვენ "ოლდ ტრაფორდზე" ვიქნებით და ყველა თამაშის მოგება გვსურს.
წყარო:
manutd.com