1-12-2014, 10:22

ავტორი: RojoDiablo,

ნანახია: 1551,

კომენტარები: 9

ნევილი: "დე ხეა არ უნდა გაიყიდოს"

გარი ნევილი კლუბს დე ხეას შენარჩუნებისკენ მოუწოდებს.

"მანჩესტერ იუნაიტედის" ლეგენდა, გარი ნევილი თვლის, რომ მისმა ყოფილმა კლუბმა დე ხეა არავითარი თანხის სანაცვლოდ არ უნდა გაყიდოს.

ბოლო პერიოდში აქტიურად იწერება მადრიდის "რეალის" მხრიდან ესპანელისადმი ინტერესის შესახებ. ჩემპიონთა ლიგის 10 გზის გამარჯვებულებს ახალგაზრდა კიპერით იკერ კასილასის ჩანაცვლება სურთ.

ხმა დაირხა, თითქოს "იუნაიტედი" დე ხეას წასვლისთვის მზადაა და მისი შემცვლელიც ნაპოვნია, მაგრამ გარი ნევილი აცხადებს, რომ დე ხეამ კლუბი არავითარ შემთხვევაში არ უნდა დატოვოს.

"დავიდი თანამედროვე "იუნაიტედის" ერთ-ერთი ყველაზე კარგი ფეხბურთელია და კლუბს მასთან განშორების უფლება არ აქვს."

"მისი პროგრესი დაუჯერებელია. რამდენიმე წლის წინ საკუთარ თავს "ტოტენჰემთან" მატჩში მისი შეცდომის გამო დე ხეას გაკრიტიკების უფლება მივეცი. ახლა კი ამის გასაკეთებლად ენას ვერ მოვიბრუნებ."

"დარწმუნებული ვარ, "რეალს" ძალიან სურს მისი შეძენა. თანხად 25 მლნ. ფუნტი სახელდება, მაგრამ პირადად ჩემთვის დე ხეა გასაყიდთა სიაში უკანასკნელ ადგილზეა. მას შეუძლია მსოფლიოს ერთ-ერთი საუკეთესო ფეხბურთელი გახდეს, მხოლოდ სრულყოფილებისთვის მუშაობა სჭირდება. "იუნაიტედმა" უახლოესი შვიდი-რვა წლის განმავლობაში მის ტრანსფერს ბოქლომი უნდა დაადოს. ეს კაცი გუნდისთვის თამაშებს მოიგებს." - წერს გარი ნევილი.

წყარო: redevils.ru

ინტერვიუები

9 კომენტარი

№1

ავტორი: RojoDiablo

1 დეკემბერი 2014 10:24

სიახლეები: 7065
კომენტარები: 8687

ბოქლომი და თან დიდი. ისეთი გასაღები უნდა სჭირდებოდეს, რომ არ იშოვებოდეს. დააყენონ ის ნავასი რას მოგვდგნენ. თან მადრიდისტებს გაახარებენ. მაგათ ხომ ჰგონიათ, რომ დე ხეას ჯობია კეილორი.

_ _ _ _ _ _ _ _ _ _ _ _ _ _ _ _ _ _ _ _

If You Can't Support Us When We Lose, Don't Support Us When We Win

№2

ავტორი: Mufc7

1 დეკემბერი 2014 10:28