"მანჩესტერ იუნაიტედიდან" წასვლის შემდეგ პორტუგალიელი ვინგერი ნანი ყველას გასაოგნად იდეალურ მატჩებს ატარებს. შეიძლება ითქვას სათამაშო ადგილის შეცვლამ პორტუგალიელზე ბრწყინვალედ იმოქმედა.

რა თქმა უნდა ერთ-ერთი ყველაზე მნიშვნელოვანი ფაქტორი თავდაჯერებულობის დაბრუნებაა, რაც ბოლო სეზონებია პორტუგალიელს ნამდვილად აკლია.

კარგია როდესაც პორტუგალიის მსგავს ქვეყანაში თამაშობ. კარგი ამინდი, ნათელი მზე, ბრწყინვალე პლიაჟები და იდეალური ატმოსფერო.

ასეთ ადგილას შენ მხოლოდ ფეხბურთით ტკბები. პორტუგალია იდეალური ადგილია კარიერის რეაბიტილირებისათვის. მაგალითად მოვიყვანოთ კუარეჟმა, რომელიც თავის დროზე პორტუგალიას უდიდესი ტალანტის სახელით ტოვებდა. მიუხედავად ამისა მან ვერ "ინტერში" შეძლო თავის გამოჩე და ვერც "ბარსელონაში".

პორტუგალიელი ვინგერი მხოლოდ თავის ქვეყანაში თამაშობდა და თამაშობს ლამაზ და შედეგის მომცემ ფეხბურთს.

მსგავსი ისტორია აქვს მეორე პორტუგალიელ ვინგერ ნანის, რომლის ნიჭზეც ფერგიუსონი ძალიან ბევრს საუბრობდა. ნანის დიდი დროის განმავლობაში ადარებდნენ კრიშტიანუ რონალდოს, რაც კაბო ვერდელს არ მოსწონდა და ამის შესახებ ბევრჯერ უსაუბრია.

"მანჩესტერში" ნანი ნამდვილად არ იყო ზედმეტი. ის პროგრესირებდა, იტანდა, აკეთებდა საგოლე გადაცემებს და "იუნაიტედის" ტიტულების მოპოვებაში ეხმარებოდა.

ნანის შეუძლია აქტივში ჩაიწეროს ჩემპიონთა ლიგის ფინალი, 2010-2011 წლების იდეალური სეზონი, როცა მან 9 გოლი გაიტანა და 16 საგოლე პასი გააკეთა. ასევე ჰქონდა ბევრი კარგი სეზონი, თუმცა ბოლო სეზონში ტრავმებისა თუ სხვა მიზეზთა გამო ძველი ნანი დაიკარგა.

როცა ზაფხულში საუბრობდნენ იმაზე, თუ რომელ კლუბში წავიდოდა ნანი იყო ძალიან ბევრი ვარიანტი. აქტიურობდა "არსენალი", რომელსაც ფლანგზე კონკურენციის გაზრდა სურდა. ასევე დაინტერესებული იყო "მოსკოვის დინამო", თუმცა მხარეები ხელფასის თაობაზე ვერ შეთანხმდნენ.

ამ დროს კი ნანის მიეცა შანსი, რომ დაბრუნებულიყო პორტუგალიაში და 1 სეზონი ეთამაშა თავის მშობლიურ "სპორტინგში". ამ შესაძლობისთვის მან მადლობა მარკოს როხოს უნდა გადაუხადოს, რომელშიც გაცვალეს ნანი.

"სპორტინგში" დაბრუნებას ნანის აშკარად უშველა. პორტუგალიაში ნანიმ კვლავ გაიხსენა ის დრო, როცა თავისი გუნდის ლიდერი იყო და იდეალურად ათამაშდა.

შეიძლება ეს პორტუგალიური ჰავის გამოა? ან უბრალოდ ნანის უყვარს გუნდის ლიდერად ყოფნა? ფაქტია, რომ ის რაც ნანის "ოლდ ტრაფორდზე" ბოლო 2 სეზონის მანძილზე აწუხებდა უკვალოდ გაქრა.

ნანი განსაკუთრებით ჩემპიონთა ლიგაზე იჩენს თავს. ეს გასაგებიცაა, რადგანაც სწორედ ჩემპიონთა ლიგისთვის დამახასიათებელ ფეხბურთსაა ნანი შეჩვეული და არა მატჩებს "სეტუბალთან" და "გიმარაიშთან". ევროპის მთავარ ტურნირზე ნანი ბრწყინვალედ თამაშობს.

5 მატჩში მან მხოლოდ "ჩელსის" კარის დალაშქვრა ვერ შეძლო. ნანიმ ორჯერ დალაშქრა გერმანული "შალკეს" კარი. კიდევ ორი გოლი ნანიმ "მარიბორს" გაუტანა.

მისი გოლი "მარიბორის" კარში კი ალბათ ყველას ეუბნება როგორი ხასიათი აქვს ახლა ნანის. ნანიმ ბურთი საჯარიმოს მისადგომებთან მიიღო, ამის შემდეგ მცველებს ფიფა 15 ეთამაშა და ბურთი კარის ბადეში გაგზავნა. სხვანაირად იმას რაც ნანიმ მცველებს გაუკეთა უბრალოდ ვერ ავღწერ.

პორტუგალიელმა კვლავ გაუსინჯა ბრწყინვალე თამაშს გემო. "სპორტინგში" გადასვლიდან მხოლოდ 3 თვე გავიდა, თუმცა უკვე საუბრობენ ნანის შესაძლო დაბრუნებაზე.

ზამთარში თუ არა, ზაფხულში ნანი ნამდვილად დაბრუნდება ინგლისში. ერთი მიზეზი ისაა, რომ მას კიდევ ერთ შანსს მიცემენ. ხოლო მეორე ის, რომ "სპორტინგი" ვერ შეძლებს მისთვის ხელფასის გადახდას.

თვითონ ნანი კი ჯერ-ჯერობით არაფრის შეცვლას არ აპირებს.

"მსიამოვნებს, როცა "იუნაიტედის" გულშემატკივარი ჩემზე კარგად ლაპარაკობს. მახარებს იმის გაგონება, რომ ისინი ელოდებიან ჩემს დაბრუნებას, თუმცა ახლა მხოლოდ სამუშაოზე ვფიქრობ და მთლიანად "სპორტინგზე" ვარ კონცენტრირებული.

ეს ჩემს კარიერაში ერთ-ერთი საუკეთესო მომენტია და არ მინდა სხვა რამეზე ფიქრი." - განაცხადა პორტუგალიელმა ვინგერმა 3 კვირის წინ.

დაბრუნდება თუ არა ნანი ოლდ ტრაფორდზე? ამას ან 1 თვეში ან სეზონის დაბრუნების შემდეგ გავიგებთ.

აქვე რამოდენიმე ფოტო, რომელიც ნანის სტატისტიკას ასახავს.





წყარო: Championat.Com