შაბათს საღამოს "იუნაიტედმა", "ოლდ ტრაფორდზე" "ვეფხვებს" უმასპინძლა და 3-0 დაამარცხა. ანგარიში კრის სმოლინგმა გახსნა, კუთხურიდან ჩამოწოდებული ბურთი საჯარიმოში არეულობის შემდეგ სწორედ ინგლისელს მიუვიდა და მანაც დაუფიქრებლად დაარტყა კარის მიმართულებით, მართალია მეკარემ ბურთი აიღო, მაგრამ როგორც გოლის ამომცნობმა საათმა აჩვენა ბურთს კარის ხაზი გადაუკვეთია. აი რას ამბობოს ამის შესახებ გოლის ავტორი:

"არ მეგონა, რომ ბურთმა ხაზი გადაკვეთა, სანამ მატჩის არბიტრმა მოედნის ცენტრისკენ არ გაიშვირა ხელი. მადლობა ახალ ტექნოლოგიას, რადგან მის გარეშე რთული იქნებოდა გარკვევა გავიდა თუ არა გოლი."

"იუნაიტედმა" ზედიზედ მესამე გამარჯვება მოიპოვა, თუმცა ამჯერად მწვრთნელებიდან დაწყებული - გულშემატკივრით დამთავრებული ყველა კმაყოფილი დარჩა, როგორც თამაშით ისე შედეგით.

"მენეჯერმა გვითხრა რომ, ეს ჩვენი საუკეთესო თამაში იყო მიმდინარე სეზონში და მეც ასე ვფიქრობ. ეს იყო შესანიშნავი გამარჯვება, თუ არ ვცდები ლუიმ "არსენალთან" გამარჯვების შემდეგ განაცხადა რომ თამაშით მოგებას არ ვიმსახურებდით, თუმცა დღეს ყველაფერი პირიქით იყო. მან გვითხრა რომ, მას სურს 6 ქულა საშინაო შეხვედრებში და ჩვენ აუცილებლად უნდა გავიმარჯვოთ "სტოკთანაც", რადგან მას ეს სურვილი ავუსრულოთ."

წყარო: manutd.com