"იუნაიტედი" იწყებს საჭირო ქულების აღებას

წითლებს ნამდვილად გაუმართლათ და სეზონის სტარტზე საოცრად კარგი კალენდარი შეხვდათ, თუმცა მათ მაინც მოახერხეს და დაკარგეს ქულები "სუონსისთან", "სანდერლენდთან", "ბარნლისთან", "ლესტერთან" და "ვესტ ბრომთან". ბოლო ტურებში კი მათ შეძლეს და დაამარცხეს "კრისტალ პალასი" და "ჰალ სიტი" თანაც დამაჯერებლად. 3-0 გამარჯვებამ გაგვახსენა კვირის 6-საათიანი თამაშები, ფერგის დროს, როდესაც გუნდი უპრობლემოდ იღებდა 3 ქულას.

ლუი ვან გაალს ცვლილებების არ ეშინია

მწვრთნელების უმეტესობა ალბათ შემადგენლობაში მინიმალური რაოდენობის ცვლილებას შეიტანდა "არსენალთან" გამართული მატჩის შემდეგ, თუმცა მათ რიცხვს არ მიეკუთვნება ვან გაალი. მან უარი თქვა 3-მცველიან ტაქტიკაზე, დატოვა რა სკამზე ახალგაზრდები: ტაილერ ბლეკეტი და პედი მაკნეირი, დაუბრუნდა ჩვეულ 4 მცველს და დაცვის ცენტრში შეაწყვილა სმოლინგი და ახლად გამოჯამრთელებული მარკოს როხო.

რობინ ვან პერსის ისევ შეუძლია თავისი სიტყვის თქმა

რობინს ნამდვილად რთული სეზონი აქვს. გრძელი და დამღლელი მსოფლიო ჩემპიონატის მერე, ჰოლანდიელი არ ჰგავს იმ გოლეადორს, რომელიც 2012 წელს "ოლდ ტრაფორდზე" გადაბარგდა. მისმა საშინელმა თამაშმა, ყოფილი გუნდის წინააღმდეგ ააჭრელა ბრიტანული გაზეთები, თუმცა გუშინ საღამოს რობინის გასროლამ ხაზი გაუსვა იმას რომ, კლასი არსად იკარგება.

ანდერ ერერამ, ვან გაალს საფიქრალი გაუჩინა

ერერა მოედანზე თვეზე მეტია არ გამოჩენილა და ბოლოს იგი "ვესტ ბრომთან" მატჩში ვიხილეთ, სადაც ლუიმ იგი შესვენების დროს შეცვალა. მას შემდეგ ანდერი წელის ტრავმას იშუშებდა და ვერადავერ იბრუნებდა სასურველ ფორმას. გასულ ხუთშაბათს, მან სარეზერვო გუნდში ითამაშა და გვაჩვენა რომ, სრულ მზადყოფნაშია. "ჰალთან" შეხვედრის პირველ ნახევარში არგენტინელმა ვინგერმა ბარძაყის კუნთი გაიჭიმა და შესაცვლელი გახდა, ვან გაალმა სწორედ ესპანელი შეუშვა მოედანზე ანხელის ნაცვლად და შედეგიც მიიღო. ის არიგებდა გადაცემებს და უძღვებოდა შეტევებს ძალიან გამოცდილი ფეხბურთელივით, რომელშიც ნამდვილად გადაიხდი 28 მლნ. ვან გაალმა უკვე დაადასტურა რომ, დი მარია "სტოკთან" მატჩს გამოტოვებს და დიდი ალბათობით ისევ ანდერი იქნება მის მაგივდარ. კიდევ ერთი კარგი პერფორმანსი და ესპანელს ყოველ კვირას ვიხილავთ "იუნაიტედის" მაისურით.

ფალკაოს საუკეთესო თამაშის საჩვენებლად დრო სჭირდება

რადამელს ძალიან ბევრი გაუცდა და ჯერ კიდევ არ არის მზად 90 წუთის სათამაშოდ. "ჰალთან" იგი პირველად გამოჩნდა 1-თვიანი პაუზის შემდეგ, თუმცა მაინც შეეძლო და უნდა გაეტანა მას შემდეგ რაც მატამ შესანიშნავად ითამაშა. ეს გოლი მას თავდაჯერებულობას შეჰმატებდა, რაც მას ძალიან აკლია.


წყარო: M.E.N