"მანჩესტერ იუნაიტედის" არგენტინელი ნახევარცმელი აცხადებს, რომ ჩემპიონთა ლიგის თამაშებს არ უყურებს.
ანხელ დი მარიამ გასულ სეზონში მადრიდის "რეალთან" ერთად ჩემპიონთა ლიგა მოიგო და კლუბს ისტორიაში მეათე ტიტულის მოპოვებაში დაეხმარა.
მიმდინარე სეზონის დასაწყისში კი დი მარია "იუნაიტედს" შეუერთდა, რომელიც ჩემპიონთა ლიგაზე არ ასპარეზობს.
"არა, ევროპულ მატჩებს არ ვუყურებ. ამის ნაცვლად ჩემ ქალიშვილთან ერთად ვთამაშობ, რაც გაცილებით მნიშვნელოვანია."
"როცა "იუნაიტედში" გადავდიოდი მშვენივრად ვაცნობიერებდი, რომ ჩემპიონთა ლიგაზე ვერ ვითამაშებდი და რასაც მაშინ ვფიქრობდი - რასაც ახლა ვფიქრობ - ეს თანაგუნდელების დახმარებაა მომდევნო წელს იქ მოსახვედრად. ასე რომ მომავალში უფრო მნიშვნელოვან მატჩებს ჩავატარებთ. ვფიქრობ ასე მოხდება."
დი მარიას ქალიშვილი ნაადრევად დაიბადა, რის გამოც საავადმყოფოში დარჩენა მოუხდა, თუმცა დი მარია აცხადებს, რომ მისი ცოლი და ქალიშვილი, რომელსაც აპრილში 2 წელი შეუსრულდება ახლა თავს კარგად გრძნობენ.
დი მარიას ცოლი და ქალიშვილი
"ისინი ახლა კარგად და ბედნიერად არიან. გოგონამ ჰოსპიტალში ორი თვე გაატარა, მაგრამ ღვთის წყალობით პრობლემა არ გაუარესებულა. მანჩესტერში ყველა თავს კარგად და ბედნიერად ვგრძნობთ."
"რაც ჩემს ქალიშვილს შეემთხვა მას შემდეგ გავაცნობიერე, რომ მასზე ძვირფასი არაფერია ამ ქვეყნად. ისეთ რთულ დროში, როგორშიც ჩემი შვილი იმყოფებოდა უბრალოდ პატარასთან ყოფნის სურვილი გაქვს." - განაცხადა დი მარიამ.