„იუნაიტედის“ მთავარმა მწვრთნელმა, ლუი ვან გაალმა, გუნდის ფორვარდი გააფრთხილა რომ, თუ მან არ გამოასწორა თამაში შესაძლებელია ვეღარ მოხვდეს სასტარტო შემადგენლობაში.

გასულ ტურში „არსენალის“ წინააღმდეგ, 31 წლის რობინი მხოლოდ 13-ჯერ შეეხო ბურთს და ვერაფრის შექმნა ვერ შეძლო თავის ყოფილი გუნდის წინააღმდეგ. იგი 75-ე წუთზე იქნა შეცვლილი.
ვან გაალი არ აქცევს ამ სტატისტიკურ მონაცემებს მნიშვნელობას, მაგრამ თავის თანამემამულისგან თამაშის გამოსწორებას ითხოვს.

"მე აქამდეც მყოლია ფეხბურთელი რომელსაც ჩემს გუნდშიც უთამაშია და ნაკრებშიც. მარიო გომესი, რომელიც ჩემთან მუშაობისას მიუნხენის "ბაიერნში“ 9-ჯერ ეხებოდა ყოველ მატჩში ბურთს.

მე მინდა გავაუმჯობესო მისი (ვან პერსის) თამაში. 13-ჯერ შეეხო ბურთს, როცა ფორვარდი ხარ ეს ძალიან ცოტაა და ამიტომ შევცვალე. 13-ჯერ შეხება შესაძლოა გამართლებული იქნას იმის მიხედვით, თუ როგორ ითამაშებს ფეხბურთელი, მაგრამ ვან პერსიმ საშინელი მატჩი ჩაატარა გასულ ტურში.

როცა მე ვცვლი მოთამაშეს, ეს იმას არ ნიშნავს, რომ ფეხბურთელი საუკეთესოა მინდორზე, ეს იქნებოდა არასწორი სვლა ჩემი მხრიდან. მე მჯერა ჩემი ფეხბურთელების, ამიტომ როცა მე მათ ვცვლი, ესეიგი ისინი კარგად არ თამაშობენ.

ასევე პრობლემა მათ თავდაჯერულობაშია, უბრალოდ მას სჭირდება გოლის გატანა გადამწყვეტ მომენტში, შეიძლება ეს მოხერხდეს შაბათს. თქვენ იცით როგორია ფორვარდის როლი თამაშის დროს, მათ ევალებათ გოლის გატანა, მაგრამ მე არ ვითხოვ ამას მისგან, მე ვეუბნები, რომ ითამაშოს ძალიან სწრაფად და ლაღად, შექმნას თავისუფალი ზონები და დაეხმაროს გოლის გატანაში სხვას ან თვითონ გაიტანოს. ჩემთვის მნიშვნელობა არ აქვს ვინ გაიტანს გოლს მთავარია გუნდმა გაიტანოს.

ნებისმიერმა ფეხბურთელმა უნდა იბრძოლოს, რომ მოხვდეს სასტარტო შემადგენლობაში სხვა გვარად ეს არ მოხდება, მე ვაყენებ მხოლოდ საუკეთესოებს." - ციტირებს ლუი ვან გაალის სიტყვებს The Telegraph-ი


წყარო:the telegraph