6 მაისი, 2014 წელი| 3-1

გასული სეზონის მიწურულს "ვეფხვების" ვიზიტი "ოლდ ტრაფორდზე" ჯერ-ჯერობით ბოლო შემთხვევაა, თუმცა როგორც ხშირ შემთხვევებში მაშინაც "ეშმაკებმა" შეძლეს და მოათვინიერეს ისინი. გამარჯვების გარდა მატჩი სავსე იყო გამორჩეული, სასიხარულო და სამწუხარო ამბებით. დავიწყოთ იმით რომ, ამ მატჩში ორი ახალგაზრდის დებიუტი შედგა, რომელთაგან ერთ-ერთს, ჯეიმს უილსონს, გამარჯვებაში ლომის წვლილი მიუძღვის, რადგან მან ორი ბურთის გატანა მოახერხა. "იუნაიტედის" გულშემატკივრების თვალებზე მატჩის შემდეგ მაინც ცრემლს შენიშნავდით, ამას კი ორი მიზეზი ჰქონდა: ნემანია ვიდიჩი და რაიან გიგზი. კაპიტანმა გუნდის დატოვება და "სერია ა"-ში ძალების მოსინჯვა გადაწყვიტა, ხოლო ლეგენდამ კი საბოლოოდ გადაწყვიტა ბუცების ლურსმნებზე დაკიდება.

23 იანვარი, 2010 წელი| 4-0

ეს იყო ნამდვილად ერთი მსახიობის სპექტაკლი, "ოცნების თატრში". უეინ რუნის მიერ შესრულებული პოკერი, მის პროფესიულ კარიერაში პირველი და ჯერ-ჯერობით უკანასკნელია. ინგლისელმა ფორვარდმა "ჰალ სიტის" განადგურება მე-8 წუთზე დაიწყო, თუმცა სამი გოლი უეინმა მატჩის ბოლო 10 წუთში გაიტანა. ჯამში რუნიმ "ვეფხვების" კარი 6-ჯერ აიღო და ამისთვის მას მხოლოდ 4 თამაში დასჭირდა.

1 ნოემბერი, 2010 წელი| 4-3

კიდევ ერთი უხვგოლიანი შეხვედრა "ტრაფორდზე". შეხვედრაში ანგარიში კრისტიანო რონალდომ გახსნა მე-3 წუთზე და მანვე ძალიან ლამაზი ჯარიმით შეძლო მე-3 გოლის გატანა, თუმცა მის გასროლამდე თავი მაიკლ კერიკმა და დანიელ კუზინმა გამოიჩინეს. ორბურთნიანი უპირატესობა ნემანია ვიდიჩმა სამამდე გაზარდა და თითქოს 4-1 "ჰალის" განადგურებას ნიშნავდა, თუმცა "ვეფხვებმა" ფარხმალი არ დაყარეს და 2 გოლი გაუტანეს "მფრინავ ჰოლანდიელს".

23 სექტემბერი, 1987 წელი| 5-0

ლიგის თასზე "ჰალის განადგურებას" დაახლოებით 25,000 გულშემატკივარი დაესწრო და ეს ყველაფერი 27 წლის წინ მოხდა. პაულ მაგრათი, გორდონ სტრაჩანი, ბრაიან მაკლეირი, ნორმან ვაიტსაიდი და პიტერ დავენპორტი - ყველას გვარი ენთო "შუქ-ფარზე" გოლების გასწვრივ. "იუნაიტედმა" საპასუხო შეხვედრაც მოიგო, მინიმალური ანგარიშით, და შემდეგ ეტაპზე გავიდა.

15 თებერვალი, 1975 წელი| 2-0

ვალენტინობის დღესასწაულმა ვერ ჩაუსახა ამ ორ გუნდს სიყვარული და მათ შორის ძველებური ბრძოლა გაიმართა. სტიუარტ პირსონმა და სტიუარტ ჰიუსტონმა გამარჯვება მოუტანეს საკუთარ გუნდს. "იუნაიტედმა" რევანში აიღო პირველ წრეში, იგივე ანგარიშით წაგებული მატჩისთვის.


წყარო:M.E.N