ანტონიო ვალენსია აცხადებს, რომ მარჯვენა მცველის პოზიცია ძალიან საპასუხისმგებლობა, მაგრამ თამაშისთვის მზადაა.
ეკუადორელი ფეხბურთელი "არსენალთან" მატჩში მარჯვენა მცველად თამაშობდა, რადგან "იუნაიტედს" შესაბამის პოზიციაზე ფეხბურთელი ტრავმირებული ჰყავს.
ვალენსიას მარჯვენა გარემარბადაც შეუძლია თამაში, თუმცა აცხადებს, რომ კლუბის დასახმარებლად ნებისმიერ პოზიციაზე ითამაშებს, სადაც მწვრთნელი დაავალებს. "მარჯვენა მცველის პოზიციაზე 90 წუთის განმავლობაში კონცენტრირებული უნდა იყო. არავითარი შეცდომის უფლება არ გაქვს, რადგან თუ დაუშვებ თავდამსხმელები, რომელთა წინააღმდეგ თამაშობ აუცილებლად გოლის გატანას ეცდებიან."
"ამჟამად ტრავმებთან დაკავშირებით ცოტა უიღბლობას განვიცდით, მაგრამ იმედი გვაქვს, რომ სანამ სეზონის ნახევარს მივაღწევთ ყველა მწყობრში გვეყოლება და სამეულსა თუ ოთხეულში ადგილს გავიმყარებთ."
იმ შემთხვევაში, თუ ვალენსია "ჰალ სიტისთან" შაბათს ითამაშებს, ეს "იუნაიტედის" რიგებში მისი მე-200 შეხვედრა იქნება.
ამავდროულად იგი თავისი ყოფილი გუნდის მწვრთნელს, სტივ ბრიუსს "დაუპირისპირდება".
"ის დიდებული მწვრთნელია. მას შემდეგ, რაც პოლ ჯეველმა კლუბი დატოვა, "უიგანში" ჩემი ყოფნის უკანასკნელ პერიოდში ის შესანიშნავი იყო. ის მკაცრია, როცა ამის საჭიროება არსებობს და მადლობელი ვარ ყველაფრისთვის, რაც მან ჩემთვის გააკეთა. იმედი მაქვს შაბათს მის გუნდზე უკეთესად ვითამაშებთ."