"ჰალ სიტის" მცველი, ალექს ბრიუსი თვლის, რომ მის გუნდს შაბათის შეხვედრაში ძირითადი საფრთხე უეინ რუნისა და მარუან ფელაინისგან ელის.
"უეინ რუნი მოწინააღმდეგისთვის ყოველთვის საფრთხეს წარმოადგენს, ასე არ არის? ის - ჭეშმარიტად დიდებული ფეხბურთელია."
"თუმცა, მის გარდა "იუნაიტედს" რამდენიმე დიდებული შემტევი ჰყავს, რომლებიც მიმდინარე სეზონის დასაწყისში შეიძინეს."
"ვფიქრობ განსაკუთრებული ყურადღება მარუან ფელაინის უნდა დავუთმოთ, რომელიც ბოლო პერიოდში შესანიშნავ მატჩებს ატარებს."
ბრიუსმა ლუი ვან გაალზე ისაუბრა.
"ვფიქრობ ძალიან ადრეა "იუნაიტედში" ლუი ვან გაალის სამუშაოს შეფასება. მას ალბათ რამდენიმე ახალწვეული სჭირდება გუნდის გასაძლიერებლად."
"კლუბი ახლა გარდატეხის პერიოდშია და მას თავისი შედეგები მოსდევს. მაგრამ ვერავითარ მიზეზს ვერ ვხედავ იმისა, თუ რატომ ვერ უნდა მიაღწიოს ვან გაალმა "მანჩესტერ იუნაიტედში" წარმატებას."