"ბაიერნის" პრეზიდენტმა, ფრანც ბეკენბაუერმა "იუნაიტედს" მიანიშნა, რომ ჟერდან შაქირი იანვარში გაიყიდება.

შვეიცარიის ნაკრების ფეხბურთელმა მიმდინარე სეზონში მხოლოდ სამი შეხვედრა ჩაატარა ბუნდესლიგაში და ის მუდმივად რობენისა და რიბერის ჩრდილის ქვეშ ექცევა.

ამ ყველაფერმა 23 წლის ფეხბურთელს კლუბის დატოვებისკენ უბიძგა, რასაც იგი ზაფხულშიც აპირებდა.

საეჭვოა, რომ მისი მდგომარეობა გაუმჯობესდეს და ბეკენბაუერი აცხადებს, რომ "ბაზელის" ყოფილი ფეხბურთელი ზამთარში კლუბს აუცილებლად გამოიცვლის.

იანვარში კი მისთვის პრემიერ ლიგის ორი გუნდი, "მანჩესტერ იუნაიტედი" და "ლივერპული" იბრძოლებენ.

"ბაიერნმა" უკვე გაუგზავნა სიგნალი და მიანიშნა მას, რომ ზამთრის შესვენებაზე ნებისმიერ დროს შეუძლია წასვლა, როცა სურს."

"პირადად მე მინდა გუნდში ის ფეხბურთელი მყავდეს, ვისაც ჩვენთან დარჩენა სურს. თუ ფეხბურთელს აქ ყოფნა არ სურს, მაშინ მისი გაშვება მართებული იქნება."

"თუმცა ძალიან სამწუხაროა, რადგან ის უსაზღვროდ ნიჭიერია." - განაცხადა ბეკენბაუერმა.

წყარო: M.E.N.