ლუი ვან გაალი დაცვის პრობლემების გადაჭრას იანვარში გეგმავს და საფრანგეთის ნაკრების მცველი თავის სასურველ ფეხბურთელთა სიაში შეჰყავს.

"იუნაიტედის" უპირველესი არჩევანი ხერარდ პიკე იყო, თუმცა ესპანელი "კამპ ნოუს" დატოვებას არ აპირებს.

"ასტონ ვილას" რონი ვლაარიც ვან გაალის სამიზნეთა სიაში ირიცხებოდა, თუმცა ჰოლანდიელმა მძიმე ტრავმა მიიღო, რის გამოც მისი დაბრუნება დიდ ხანს დააყოვნებს.

ამის შემდეგ კი ვან გაალმა რაფაელ ვარანი აირჩია თავისი გეგმის განსახორციელებლად. ფრანგი ჩემპიონთა ლიგის მოქმედ გამარჯვებულთა რიგებში თავს კარგად ვერ გრძნობს.

21 წლის ვარანი ევროპული ფეხბურთის ერთ-ერთი ყველაზე პერსპექტიული მცველია, მაგრამ კარლო ანჩელოტის ხელმძღვანელობის ქვეშ მას რეგულარული სათამაშო დრო არ ეძლევა.

ის ამჟამად სერხიო რამოსისა და პეპეს ჩრდილში იმყოფება და როგორც თავად აღნიშნა სიტუაცია ძალზედ მძიმეა.

"ეროვნული ნაკრებისგან განსხვავდება. იქ უფრო მეტ დროსა და პასუხისმგებლბოას ვიღებ. მიზანი კლუბში იმავე დონის მიღწევაა." - განაცხადა ვარანმა.

ვან გაალს შეუძლია ვარანს გარანტირებული ადგილი შესთავაზოს "იუნაიტედის" რიგებში, მაგრამ თუ მისი ტრანსფერის განხორციელებას გეგმავს, მოუწევს 30 მლნ. ფუნტი გადაიხადოს.

წყარო: dailystar