"მანჩესტერ იუნაიტედმა" დღეს ვარჯიში ჩაატარა, რომელზეც ტრავმირებული მოთამაშეები გამოჩნდნენ რადამელ ფალკაოსა და მარკოს როხოს სახით. ვარჯიშის დაწყებამდე წითლები ერთობოდნენ და ერთ-ერთ ეპიზოდში ჩანს თუ როგორ "მეფესავით" მოჰყავთ ანდერსონსა და ერერას, კოლუმბიელი ფორვარდი.
რადამელმა გუნდის ბოლო 5 შეხვედრა გამოტოვა და სულ მალე დაბრუნების იმედი აქვს, აი რა განუცხადა სამხრეთ-ამერიკელმა MUTV-ს: "თავს კარგად ვგრძნობ და იმედი მაქვს მოედანსაც მალე დავუბრუნდები. სამწუხაროა რომ, ამდენი ხანი გამიცდა თუმცა არ ვჩქარობ და ბოლომდე გამოჯანმრთელებას ველოდები, რაც ძალიან მნიშვნელოვანია. მინდა ბევრ თამაშში დავეხმარო გუნდს."
"ეშმაკებს" მომდევნო მატჩი, შაბათს თბილისის დროით 19 საათზე, მშობლიურ "ოლდ ტრაფორდზე" "ჰალ სიტის" წინააღმდეგ აქვთ და გულშემატკივრები EL tigre-ს სწორედ დაბრუნებას სწორედ "ვეფხვებთან" ელიან.