"მანჩესტერ იუნაიტედის" ლეგენდა, პედი კრერანდი თვლის, რომ რობინ ვან პერსის უსამართლოდ აკრიტიკებენ.
კრერანდი რობინის წარუმატებელ თამაშს მთლიანად გუნდს აბრალებს და მაგალითისთვის "იუნაიტედის" უკანასკნელი შეხვედრა მოჰყავს, რომელიც "წითლებმა" "არსენალს" 1-2 მოუგეს.
"არ ვეთანხმები კრიტიკას, რომელიც ბოლო პერიოდში რობინის მისამართით ისმის."
"მაგალითისთვის აიღეთ "არსენალთან" შეხვედრა. რამდენად ხშირად ფლობდა ჩვენი გუნდი ბურთს პირველ ნახევარში? თავდამსხმელი დამოკიდებულია გუნდზე, რომელიც მას ბურთით ამარაგებს. ამასთან ერთად რობინი დაცვით მოქმედებებში აქტიურად იღებდა მონაწილეობას."
"დარწმუნებული ვარ მას რომ ასი მომენტი ჰქონოდა, ნახევარს მაინც გაიტანდა. უბრალოდ მთელ გუნდს უკეთ უნდა ეთამაშა და თავდამსხმელიც გაცილებით პროდუქტიული იქნებოდა."
"რობინის პრობლემა ახლა ის არის, რომ პირველი გუნდის კარზე ჯიუტად აკაკუნებს ჯეიმს უილსონი. ის ფორვარდებზე უკვე ახდენს დიდ ზეწოლას. დარწმუნებული ვარ, რომ მალე ფალკაო გოლის გატანას რეგულარულად დაიწყებს, კონკურენცია კი რობინსა და ჯეიმსს შორის შედგება." - განაცხადა კრერანდმა.