"მანჩესტერ იუნაიტედის" მთავარი მწვრთნელის ასისტენტმა, რაიან გიგზმა ჯეიმს უილსონი გააფრთხილა, რომ "მანჩესტერ იუნაიტედში" თავის გამოჩენის შანსი არ უნდა გაუშვას ხელიდან.
"ჯეიმსი შესანიშნავი პერსპექტივის მქონე ბრწყინვალე ფეხბურთელია. ყოველთვის ვამბობდი, რომ კლუბმა ყველას უნდა მისცეს თავის გამოჩენის შანსი, ვინც ამას იმსახურებს. მაგრამ მეორეს მხრივ, ფეხბურთელებმა აუცილებლად უნდა გამოიყენონ ეს შანსი."
"უამრავი ფეხბურთელი მინახავს, ვინც მათთვის მიცემულ შანსს იყენებდა. თუმცა ისინიც მინახავს, ვინც ამ შანსს ცივად ეკიდებოდა. ყოველთვის მზად უნდა იყო იმისთვის, რომ პირველი შანსი გამოიყენო." - განაცხადა გიგზმა.