"მანჩესტერ იუნაიტედის" ახალგაზრდულმა გუნდმა გუშინ ლანკაშირის თასზე ითამაშა. "იუნაიტედი" სტუმრად "ბლექბერნთან" თამაშობდა და მეოთხეთფინალური მატჩი გამანადგურებელი ანგარიშით, 0-5 დასრულდა.
რეზერვების შემადგენლობაში თამაშობდა პირველი გუნდის სამი წევრი: ჯონი ევანსი, ანდერ ერერა და ადნან იანუზაი.
ანგარიში მე-15 წუთზე გაიხსნა, როცა უილ კინმა იანკოს გადაცემის შემდეგ გაიტანა. 10 წუთში უპირატესობა ორამდე ანდერ ერერამ გაზარდა.
შეხვედრის მესამე გოლი პირველ ტაიმში ანდრეას პერეირამ კარგი გარღვევის შემდეგ საჯარიმოს ფარგლებს გარედან გაიტანა.
"მანჩესტერ იუნაიტედმა" მეტოქის რბევა მეორე ტაიმშიც გააგრძელა და 49-ე წუთზე ჯოშ ჰაროპის ტრავმის გამო მოედანზე შემოსულმა ჯო როტუელმა მეოთხე გოლი გაიტანა.
ჯონი ევანსი შეხვედრის 64-ე წუთზე შეცვალეს და ალბათ "ჰალ სიტისთან" თამაშისთვის ემზადება.
მე-80 წუთზე კი საბოლოო ანგარიში იმავე როტუელმა მატჩის ყველაზე ლამაზი კომბინაციის გათამაშების შემდეგ დააფიქსირა.