"მანჩესტერ იუნაიტედის" მცველი, ჯონი ევანსი იმედოვნებს, რომ გუნდს მძიმე პერიოდში დაეხმარება.
გუშინ ჩრდ. ირლანდიელმა ფეხბურთელმა "იუნაიტედის" სარეზერვო გუნდის შემადგენლობაში ითამაშა. რეზერვებმა "ბლექბერნი" 0-5 გაანადგურეს.
ევანსი "ლესტერთან" განცდილი მარცხის შემდეგ უქმობს და იმედი აქვს, რომ დაბრუნებას უახლოეს ორ საშინაო შეხვედრაში, "ჰალ სიტისა" და "სტოკ სიტის" წინააღმდეგ მატჩში შეძლებს.
"სასიამოვნო იყო 60 წუთის თამაში. დაბრუნებას დიდ ხანს მოვუნდი. არ ველოდი, რომ ამდენი ხნით ვიუქმებდი, ასე რომ, სასიამოვნოა რამდენიმე წუთის თამაში. ვფიქრობ შესანიშნავად ვითამაშეთ. ეს იყო კარგი შეხვედრა, რომელშიც სიამოვნებით მივიღე მონაწილეობა."
"ვფიქრობ, მწვრთნელი და ფიზ-მწვრთნელები პირველ გუნდში თამაშის ნებას დამრთავენ. ერთი თუ ორი კვირის განმავლობაში ვვარჯიშობდი, მაგრამ ფორმის აღდგენას გარკვეული დრო დასჭირდება, რადგან დიდი ხნით ვიყავი ტრავმირებული."