"მანჩესტერ იუნაიტედის" ჰოლანდიელი თავდამსხმელი, რობინ ვან პერსი მიიჩნევს, რომ მიმდინარე სეზონში პრემიერ ლიგის მოგების შანსი "იუნაიტედს" არ დაუკარგავს.
ამჟამად "წითელი ეშმაკები" სატურნირო ცხრილში მეოთხე ადგილზე იმყოფებიან და ლიდერ "ჩელსის" 13 ქულით ჩამორჩებიან.
მიუხედავად ასეთი სხვაობისა, რობინს მიაჩნია, რომ ყველაფერი წინაა.
"ამ წელს ჩემპიონატში გამარჯვება ჯერ კიდევ შეიძლება, ჩვენ ხომ მატჩების მხოლოდ მეოთხედი გვაქვს ჩატარებული. მიმდინარე სეზონში წარმატებისთვის ვართ განწყობილი, მაგრამ მისი მიღწევა ძალიან რთული იქნება. თუ არ გამოგვივა, რა თქმა უნდა მომდევნო სეზონში ვეცდებით." - აცხადებს ვან პერსი.