პრემიერ ლიგის ერთ-ერთი ყველაზე ცნობილი არბიტრი, რომელმაც რამდენიმე ხნის წინ კარიერა დაასრულა, მიიჩნევს, რომ ჯეკ უილშირის ქმედება "არსენალისა" და "მანჩესტერ იუნაიტედის" შეხვედრაში წითელ ბარათს არ საჭიროებდა.
"არბიტრებს ემოციისა და აგრესიის გამიჯვნა სწორად უნდა შეეძლოთ. აგრესიულ ქმედებას არაფერი ესაქმება საფეხბურთო მოედანზე, ემოციის გარეშე კი თამაში შეუძლებელია. ნებისმიერ შემთხვევაში, მსაჯებმა უნდა დაიკავონ რაც შეიძლება შესაფერისი პოზიცია იმისთვის, რომ ეპიზოდი სწორად განსაჯონ."
"რა თქმა უნდა, როცა ისეთ ქმედებას სჩადიხართ, როგორიც უილშირმა ფელაინის წინააღმდეგ ჩაიდინა, ძალიან რისკავთ, რადგან შეიძლება ცხვირწინ წითელი ბარათი იხილოთ. თუმცა თქვენ, როგორც მსაჯს არ გჭირდებათ ეპიზოდში ჩარევა, როცა ორი ფეხბურთელი ერთმანეთში არკვევს ურთიერთობას."
"ამ კონკრეტულ შემთხვევაში ემოციები მატჩის სტატუსისა და პრინციპული მეტოქეების დაპირისპირებით იყო გამოწვეული. არბიტრმა ეს გაითავისა."