რაიან გიგზი აცხადებს, რომ მზადაა "მანჩესტერ იუნაიტედი" დატოვოს და დამოუკიდებელი სამწვრთნელო კარიერა დაიწყოს.
1991 წლის დებიუტის შემდეგ გიგზმა "იუნაიტედის" რიგებში რეკორდული მატჩების რაოდენობა - 963 შეხვედრა ჩაატარა და ამგვარად ის კლუბის სახელთან ასოცირდება.
40 წლის უელსელმა მიმდინარე სეზონის დასაწყისში მოთამაშის კარიერა დაასრულა და ამჟამად ლუი ვან გაალის ასისტენტია.
უამრავ ადამიანს სჯერა, რომ გიგზი ვან გაალის შემცვლელი იქნება "ოლდ ტრაფორდზე", თუმცა თავად რაიანი არც წასვლას გამორიცხავს.
"კლუბში იმდენად დიდი ხნის განმავლობაში ვიმყოფები, რომ ამ კლუბს სრულად ვიცნობ, მაგრამ მინდა დამოუკიდებელი სამწვრთნელო კარიერა მქონდეს და თუ ეს "მანჩესტერ იუნაიტედში" არ მოხდება, ასეც უნდა ყოფილიყო - უბრალოდ მოვიცდი და ვნახოთ"
"მე ყოველ ჯერზე ვსწავლობ. რაც უფრო მეტს ვსწავლობ მით მეტად მზად ვარ იმის საკეთებლად, რასაც ვაკეთებ და სადაც ვაკეთებ."
"მანჩესტერ იუნაიტედის" ჩაბარება არ არის ის, რაზეც მუდამ ვფიქრობ. გასულ წელს მიღებული გამოცდილება კი საუკეთესო რამ იყო." - აცხადებს გიგზი.