შაბათს საღამოს, "არსენალთან" გამარჯვების შემდეგ, "იუნაიტედმა" მეოთხე ადგილზე აინაცვლა, თუმცა მატჩის ერთ-ერთმა საუკეთესო მოთამაშე, კრის სმოლინგი, აცხადებს რომ, გუნდმა მინიმუმ უნდა შეინარჩუნოს ეს პოზიცია და არ ჩამოვიდეს ქვევით.

"იმის გათვალისწინებით თუ როგორი ფეხბურთელები ირიცხებიან გუნდში, ჩვენ აშკარად მეტი მატჩი უნდა მოგვეგო და ქულების მეტი რაოდენობაც უნდა გვქონოდა. თუმცა ასე არ მოხდა, ამ მოგებით კი ჩვენ საფუძველს ვუყრით წინსვლას, რომელიც "ოლდ ტრაფორდზე აუცილებლად უნდა გაგრძელდეს.

ჩვენ მებრძოლი ხასიათი გამოვავლინეთ, თუმცა თამაშის ხარისხი მაინც დაბალი იყო. ახლა შეხვედრის ჩანაწერის ნახვის შემდეგ, ჩვენ უნდა გავაანალიზოთ და გამოვასწოროთ შეცდომები.

2 საშინაო მატჩი გველის, რომელთაგან აუცილებელია 6 ქულის აღება და უკვე შემდეგ შეგვიძლია შევხედოთ სატურნირო ცხრილს."

კითხვაზე, თუ რამდენად რეალურია ოთხეულში მოხვედრა, სმოლინგმა ასეთი პასუხი გასცა:

"ეს პროგრამა მინიმუმია, ჩვენ მეტი გვსურს"

მიუხედავად ლუკ შოუს ტრავმისა, რომელიც ინგლისელმა მატჩის სტარტშივე მიიღო, სმოლინგი თვლის რომ, ახალგაზრდა მცველებმა, მათზე დაკისრებული მოვალეობები 100%-ით შეასრულეს და გაუმკლავდნენ, ლონდონელთა მრისხანე შეტევის ხაზს:

"ჩვენი მთავარი ამოცანა მეტოქის შემტევების განეიტრალება იყო, რომლებიც ძალიან სწრაფები და ამავდროულად ტექნიკურები არიან. ჩვენ ძალიან მობილურად ვმოქმედებდით, ვეხმარებოდით ერთმანეთს. ნებისმიერი ჩვენგანის ეპიზოდიდან გამოთიშვა შესაძლოა გოლით დასრულებულიყო."


წყარო: carrick.ru