BBC-ს ექსპერტი, ფილ ნევილი აცხადებს, რომ სატურნირო ცხრილში მე-12 ადგილი "ლივერპულის" ფონეს სრულად ასახავს.
"მანჩესტერ იუნაიტედისა" და "ევერტონის" ყოფილი ფეხბურთელი თვლის, რომ გასულ წელს დაკავებული მეორე ადგილი მხოლოდ დროებითი მიღწევა იყო და ბრენდან როჯერსის გუნდი სწორედ იქ იმყოფება, სადაც მისი ადგილია.
"იმის გამო, რაც "ლივერპულმა" გასულ წელს აჩვენა, ხალხს შეუსაბამო მოლოდინი გაუჩნდა მიმდინარე წელს მათ შესაძლებლობებთან დაკავშირებით."
"მაგრამ გასულ წელს ტიტულთან ასეთი სიახლოვე მხოლოდ მსოფლიო კლასის დუეტის, დანიელ სტარიჯის და განსაკუთრებით ლუის სუარესის დამსახურება იყო. ამის გამეორებას კი სუარესის "ბარსელონაში'' გადასვლის შემდეგ ვერავითარ შემთხვევაში ვერ შეძლებენ."
" არ ღირს იმის თქმა, რომ საკუთარ შესაძლებლობებზე დაბალ დონეს აჩვენებენ. სატურნირო ცხრილში ასეთი მდებარეობა მათ ამჟამინდელ დონეს აღნიშნავს, განსაკუთრებით სტარიჯის არ ყოფნის დროს."
"კრისტალ პალასთან" 3-1 მარცხი, რაც პრემიერ ლიგის 12 ტურში მე-6 მარცხია ნიშნავს, რომ ლიდერ "ჩელსის" 18 ქულით ჩამორჩებიან."
"დიახ, ეს ცუდია. მითუმეტეს, რომ გასულ წელს "წითლებმა" მთელი სეზონის განმავლობაში 6 მარცხი განიცადეს და პრემიერ ლიგის ჩემპიონატის დასრულებამდე სამი ტურით ადრე ჩემპიონის ბედი მათ ხელთ იყო."
"მაგრამ ეს მხოლოდ ერთადერთი "გასროლა" იყო. თუ უფრო შორს გავიხედავთ, "ლივერპული" ყოველთვის პირველ რვა გუნდში შემავალი გუნდი იყო, რომელიც ევროპის ლიგაზე თამაშის საშუალებას იძლევა. მე-12 ადგილი ალბათ მოსალოდნელზე დაბალი შედეგია, მაგრამ ვერ ვიტყვი, რომ ამას არ ველოდებოდი, განსაკუთრებით სუარესის გაყიდვის შემდეგ."
"ლივერპული" - კარგი გუნდია, მაგრამ სეზონის დასაწყისიდანვე ვერ ვხედავდი, რომ მათ შემადგენლობას ტიტულისთვის ბრძოლა შეეძლო." - განაცხადა ნევილმა.