ნორვეგიელმა ვუნდერკინდმა, მარტინ ოდეგაარდმა "მანჩესტერ იუნაიტედსა" და "რეალ მადრიდს" აცნობა, რომ თავისი მომავლის შესახებ გადაწყვეტილებას მხოლოდ 16 წლის შესრულების შემდეგ მიიღებს.

ახალგაზრდა ფეხბურთელით, რომელმაც ნორვეგიის ახალგაზრდულ ნაკრებში უკვე მოასწრო სამი მატჩის ჩატარება ევროპის მრავალი გრანდი ინტერესდება.

თუმცა შემტევი ნახევარმცველი აცხადებს, რომ მანჩესტერში ან მადრიდში მხოლოდ მას შემდეგ გადავა, რაც მშობლიურ გუნდთან, "სტრომსგოდსეტთან" კონტრაქტი ამოეწურება. ეს კი მომდევნო ზაფხულს მოხდება.

მარტინს 16 წელი 16 დეკმბერს შეუსრულდება და მადრიდის "რეალმა" უკვე გადადგა ნაბიჯი მის შესაძენად, რამეთუ ოდეგაარდს 5 წლიანი კონტრაქტი შესთავაზა.

თუმცა "იუნაიტედს" ჯერ კიდევ სჯერა, რომ ოდეგაარდის გადაბირების შანსი აქვს. "წითლებმა" მარტინს კერინგტონსა და "ოლდ ტრაფორდზე" ტურნე მოუწყვეს.

წყარო: mirror