გუშინ საღამოს, "იუნაიტედმა" პირველი საგარეო გამარჯვება მოიპოვა, დაამარცხა რა "ლონდონური არსენალი" ანგარიშით 1-2. წითლები დიდწილად, ესპანელ დავი დე ხეას უნდა უმადლოდნენ 3 ქულის აღებას, თუმცა უნდა ვაღიაროთ რომ, მთლიანობაში გუნდიც კარგად გამოიყურებოდა. გამონაკლისი არც ეშლი იანგი გახლდათ, რომელმაც ძალიან კარგი შეხვედრა ჩაატარა, მას შემდეგ რაც შეხვედრის მე-14 წუთზე ტრავმირებული ლუკ შოუს ნაცვლად მოუხდა მოედანზე შესვლა. ეშლიმ მატჩის შემდგომა პატარა ინტერვიუ მისცა MUTV-ს:

როდესაც "ემირეიტსზე" გადიხარ სათამაშოდ, წინასწარვე იცი რომ ძალიან რთული მატჩი გელის და გამარჯვების მისაღწევად მთელმა გუნდმა კარგად უნდა ითამაშოს. ჩვენ ვთამაშობდით "არსენალის" წინააღმდეგ, გუნდი რომელსაც ძალიან უყვარს მეტოქის სიახლოვეს მოკლე პასებით დაცვის გარღვევა, თუმცა მეკარიდან დაწყებული, ფორვარდებით დამთავრებული ყველამ ძალიან კარგად ითამაშა. როდესაც ლონდონში 3 ქულას იღებ, ეს ფანტასტიური შედეგია, გასახდელში უზომოდ ბედნირები დავბრუნდით.

პედიმ და ტაილერმა, შესანიშნავად გაართვეს თავი დავალებას, კრისი კი ნამდვილი ლიდერი იყო. ახალგაზრდა მცველებისთვის უცხოა "ემირეიტსზე", გულშემატკივრის თვალწინ, ასეთი ძლიერი გუნდის წინააღმდეგ თამაში, თუმცა ისინი ძალიან კარგად მოქმედებდნენ, რაც ადვილი ნამდვილად არ არის.

რაღაც მომენტში თერთმეტივე მოთამაშეს თავის დაცვა გვიწევდა და შეიძლება ითქვას გაგვიმართლა შესვენებამდე კარი მშრალად რომ შევინახეთ. მეორე ტაიმში კი გამოვედით და დასახული ამოცანა შევასრულეთ. გავიტანეთ პირველი გოლი, რომლის შემდეგ თითქმის დარწმუნებული ვიყავი რომ, აღარ გავუშვებდით. მატჩის მიწურულს მეტოქე კონტრ-შეტევაზე დავიჭირეთ და მეორეჯერე დავამწუხრეთ "არსენალის" ქომაგები, ამით ყველაფერი გადავწყვიტეთ, თუმცა შეგვეძლო მესამე გოლის გატანაც."

ვან გაალი ცნობილია ძალიან წვრილმან დეტალებზე ყურადღების გამახვილებით და აი რას ამბობს ამაზე ეშლი: "მატჩამდე მენეჯერმა მეტოქის თამაშები გვანახა და ჩვენ დავინახეთ რომ, შეგვეძლო მათი კონტრ-შეტევით ადვილად დამარცხება. მწვრთნელის დავალება შევასრულეთ და შედეგიც სახეზეა."


წყარო: manutd.com