ბრაიან რობსონს მიაჩნია, რომ "მანჩესტერ იუნაიტედის" თამაში დიდწილად ნახევარდაცვის ხაზზეა დამოკიდებული.
"ნახევარდაცვა - გუნდის ერთ-ერთი ყველაზე მნიშვნელოვანი ხაზია."
"თუ მატჩების მოგება გსურთ მოედნის ამ ნაწილში კონკურენტუნარიანები უნდა იყოთ. როცა წინა წელს მარუან ფელაინი "ოლდ ტრაფორდზე" მოვიდა, ის ძალიან ნელი ჩანდა. თუმცა ბოლო პერიოდში ის შესანიშნავ თამაშს აჩვენებს, რამაც ხალხს მასზე აზრი შეაცვლევინა. მაღალი, ძლიერი ფეხბურთელი, რომელიც ყოველი ბურთისთვის იბრძვის - სწორედ ასეთი ფეხბურთელი გვაკლდა. თუ რამდენიმე ბურთს გაიტანს, უფრო დამაჯერებლად იმოქმედებს."
"ჩვენ გუნდში არის ანდერ ერერაც, რომელმაც გუნდს სისწრაფე შესძინა, მაგრამ მას ტრავმები უშლის ხელს. იმედი მაქვს მალე ჩადგება მწყობრში. ანდერი არის ადამიანი, რომელიც პარტნიორებს უქმნის მომენტებს და თავადაც გააქვს გოლები. ის ჩვენთვის მნიშვნელოვანი ფეხბურთელი გახდება."