"მანჩესტერ იუნაიტედის" მწვრთნელი, ლუი ვან გაალი აცხადებს, რომ რადამელ ფალკაოს ჯანმრთელობასთან დაკავშირებულ პრობლემებს აცნობიერებდა, თუმცა უელბეკის გაყიდვას მაინც არ შეუშალა ხელი.

"მონაკოდან" იჯარით აყვანილმა კოლუმბიელმა ჯერ ვერც ერთი შეხვედრა ვერ დაასრულა სრულად, ამჟამად კი ტრავმირებულია.

ვან გაალი მსგავს მდგომარეობას ელოდებოდა, მაგრამ იმედი აქვს, რომ კოლუმბიელი გამოჯანმრთელდება და უელბეკის გაყიდვას სანანებელს არ გაუხდის.

"იმედი მაქვს თავის აქ გამოდვლას გაამართლებს. ვფიქრობ, ეს გასაგებია."

"ველოდებოდით თუ არა, რომ ამდენ ხანს ტრავმირებული იქნებოდა? დიახ. შესაძლოა სწორედ ამის გამო არ ვიყიდეთ ის, რაზეც უკვე ვისაუბრე."

"არ ვაპირებ იმის დამტკიცებას, რომ სწორად მოვიქეცი. რატომ უნდა მოვიქცე ასე? უკვე ვთქვი რასაც ვფიქრობ - უელბეკი არ იყო ძირითადის ფეხბურთელი, ის სათადარიგოზე უნდა ყოფილიყო."

"რამდენიმე მწვრთნელის ხელმძღვანელობის დროს ის არ იყო სასტარტო შემადგენლობის ფეხბურთელი და ბატონი ვან გაალის დროს სამყარო რატომ უნდა შეიცვალოს? არა, სამყარო არ შეიცვლება. ფაქტი ასეთია. ეს არ არის ჩემი ფაქტი - ფაქტი მდგომარეობს იმაში, რომ ჩვენ გვყავს პერსი, ჩვენ გვყავდა უილსონი და თუ შენ უელბეკს დატოვებდი ახალგაზრდებს თავის გამოჩენის ყოველგვარ შანსს უსპობდი, ჩვენი ფილოსოფია კი სწორედ ასეთია."

"გარდა ამისა, ჩვენ შეგვიძლია ფალკაო შევიძინოთ. თუ ეს მიზეზები არასაკმარისია, მაშინ არ მცოდნია, ალბათ ძალიან ცუდი მწვრთნელი ვარ." - განაცხადა ვან გაალმა.

წყარო: fapl.ru