12 თებერვალი, 2014 წელი

პრემიერ ლიგა, 0-0

თამაში, რომელმაც სახიფათო მომენტების და გოლების გარეშე ჩაიარა. "იუნაიტედს" დევიდ მოიესის ხელი ეტყობოდა და უმეტესად თავის დაცვით იყო დაკავებული. თავად წითლების მენეჯერმა ამ მატჩის შემდეგ განაცხადა რომ, ოთხეული ჯერ კიდევ ხელმისაწვდომი იყო, თუმცა საბოლოოდ რა მოხდა ყველას გვახსოვს. დავიდი შეხვედრიდან 2 თვეში დაითხოვეს.

28 აპრილი, 2013 წელი

პრემიერ ლიგა, 1-1

რობინ ვან პერსიმ "ემირეიტ სტეიდიუმზე" დაბრუნება გოლით აღნიშნა. პირველი ტაიმის მიწურულს 11-მეტრიანი გამოიმუშავა და თავადვე აქცია გოლად. ეს მისი 29-ე გოლი გამოდგა "იუნაიტედის" მაისურით.

თუმცა რობინამდე, ტეო ვოლკოტმა შეძლო და მატჩის სტარტშივე, მე-2 წუთზე დალაშქა წითლების კარი, თუმცა გამეორებამ აჩვენა რომ, ინგლისელი შემტევი თამაშგარე მდგომარეობაში იმყოფებოდა.

22 იანვარი, 2012 წელი

პრემიერ ლიგა, 1-2

რობინი ამ დროს ჯერ კიდევ "მეთოფე" იყო. ზუსტად ჰოლანდიელმა შეძლო და აღადგინა წონასწორობა მას შემდეგ რაც, პირველი ტაიმის დამატებულ წუთებზე ანტონიო ვალენსიამ გახსნა ანგრიში. მატჩის მიწურულს, შეხვედრის 81-ე წუთზე, აწ უკვე ყოფილმა "იუნაიტედის" და დღესდღეობით "არსენალის" ფორვარდმა, დენი უელბეკმა, გამარჯვება მოუტანა თავის გუნდს.

ამ შედეგმა შეუნარჩუნა ჩემპიონობის შანსი "იუნაიტედს", თუმცა იმ სეზონში წითლები თანაქალაქელებზე ცუდი ბურთების შეფარდება ჰქონდათ და ამიტომ მათ დაუთმეს პრემიერ ლიგის ტიტული.

1 მაისი, 2011 წელი

პრემიერ ლიგა, 1-0

ეს იყო საშინელი შედეგი "ეშმაკებისთვის". იმ დროისთვის სერ ალექსის გუნდს 73 ქულა ჰქონდა და მეორე ადგილოსან "ჩელსის" მხოლოდ 3 ქულით უსწრებდა. "არსენალთან" მარცხმა, "იუნაიტედი"-"ჩელსის" დაპირისპირება საჩემპიონო მატჩი გახადა. საბედნიეროდ კარლო ანჩელოტის გუნდი, "ოლდ ტრაფორდზე" დამარცხდა და "მანჩესტერ იუნაიტედმა" შეძლო ჩემპიონობა და გაასწრო ლივერპულს, მოიგო რა მე-19 პრემიერ ლიგის ტიტული.

არსენ ვენგერის შეგირდებმა კი აარონ რემსის გოლით დაამარცხეს მეტოქე, რომელიც შეხვედრის 56-ე წუთზე გავიდა.

31 იანვარი, 2010 წელი

პრემიერ ლიგა, 1-3

პირველ ტაიმში გატანილი 2 გოლი, რომელიც პარკ-ჯი-სუნიმ 52-ე წუთზე გაასამა. ამ მატჩის საუკეთესო ფეხბურთელად ლუიშ ნანი დასახელდა და დამსახურებულადაც. ეს იყო მის კარიერაში საუკეთესო მატჩი და რომ არა ალმუნიას თითების სიგრძე(რის გამოც პირველი გოლი მეკარის ავტოგოლად ჩაიწერა) პატარა სასწაულს, ნანის გოლი ერქმეოდა. შეხვედრის დამთავრებამდე 10 წუთით ადრე პრესტიჟის გოლი ტომას ვერმაელენმა გაიტანა, რომელიც ამ ზაფხულს კატალონიაში გადაბარგდა და ადგილობრივ ბარსელონაში ჩაირიცხა.


წყარო: M.E.N