"მანჩესტერ იუნაიტედის" კაპიტანი, უეინ რუნი მიიჩნევს, რომ "ემირეიტსზე" "არსენალის" წინააღმდეგ თამაში რთული იქნება, თუმცა მის გუნდს დადებითი შედეგი აქვს ლონდონელთა წინააღმდეგ და იმედიანად არის განწყობილი.
მიმდინარე სეზონში "იუნაიტედი" პირველად ეწვევა ინგლისის დედაქალაქს. მატჩი "არსენალის" სტადიონზე შედგება, სადაც "იუნაიტედს" ბოლო სამი გასვლითი შეხვედრიდან არც ერთი არ წაუგია.
"რამდენიმე კარგი გასახსენებელი გვაქვს. მათი დამარცხება ჩემპიონთა ლიგის ნახევარფინალში, ერთ-ერთი ისეთია, რომელიც მათ წინააღმდეგ ვითამაშეთ და მოვიგეთ. თუმცა რამდენიმე დიდებულ გამარჯვებას პრემიერ ლიგაშიც მივაღწიეთ."
"ეს ყოველთვის რთული შეხვედრა გამოდის და პირველი გოლი ვისაც გააქვს, ჩვეულებრივ სწორედ ის იმარჯვებს ან შედეგს აღწევს. იქ კარგი შემართებით უნდა ჩავიდეთ და დავრწმუნდეთ, რომ ყველაფერს სწორად ვაკეთებთ."
"არსენალს" ბრწყინვალე გუნდი ჰყავს, რომელიც ახალგაზრდა და ბევრი ინგლისელი ფეხბურთელით არის დაკომპლექტებული, რაც ძალიან კარგია ინგლისისთვის. ვიცით, რომ ისინი დიდი შემართებით თამაშობენ და ჩვენ ყველაფერი უნდა გავაკეთოთ მათ დასამარცხებლად."