"არსენალის" ინგლისელი ფორვარდი, დენი უელბეკი შეიძლება მისი ყოფილი გუნდის წინააღმდეგ მატჩში მოედანზე ვერ გავიდეს.

შაბათს საღამოს "წითელი ეშმაკები" "არსენალს" "ემირეიტსზე" ეწვევიან. დენი უელბეკი თამაშის შემთხვევაში თავის ყოფილ გუნდს პირველად დაუპირისპირდებოდა, მაგრამ ინგლისის ნაკრების რიგებიდან დაბრუნების შემდეგ მას ბარძაყის ტრავმა აწუხებს, რაც მის თამაშს საეჭვოს ხდის.

"მისი მონაწილეობა მომდევნო თამაშში დღევანდელი სამედიცინო გამოკვლევის შემდეგ გახდება ცნობილი." - განაცხადა არსენ ვენგერმა წინასამატჩო პრეს-კონფერენციაზე.

გარდა ამისა, ცნობილი გახდა, რომ მომდევნო დაპირისპირებას აუცილებლად გამოტოვებს თეო უოლკოტი, რომელმაც ტრავმის მოშუშების შემდეგ საზარდული დაიზიანა.

წყარო: fapl.ru