გარი ლინკერმა მთელი ინგლისი აღაშფოთა ერთი ამბის თქმით. BBC-ის საფეხბურთო მიმომხილველმა ხუმრობით გამოაქვეყნა "ტვიტერზე", შემდეგ კი პირდაპირ ეთერში განაცხადა რომ: "დიახ! დადასტურებული ინფორმაცია მაქვს, უეინ რუნიმ ოფიციალურად გადაწყვიტა ნაკრებში აღარ ითამაშოს".
რამდენიმე საათში კი შემდეგნაირად განაცხადა: "ეს უბრალო ხუმრობა იყო, არ მეგონა ასეთი აჟიოტაჟი თუ მოყვებოდა ამ ამბავს. უეინს დავუკავშირდი, მან კი შეწუხებულმა მითხრა, თუ რატომ გავაკეთე ეს. ვუპასუხე, რომ მისმა შესრულებულმა დუბლმა შოტლანდიასთან მატჩში 46-მდე გაზარდა ნაკრებში თავისი გოლების რაოდენობა და ჩემს რეკორდს მხოლოდ ორი ბურთით ჩამომრჩება".
რამდენიმე დღის წინ "მანჩესტერის" ყოფილმა ლეგენდარულმა ფეხბურთელმა, სერ ბობი ჩარლტონმა განაცხადა, რომ მოხარული იქნება თუ რუნი მალევე დაამხობს მის რეკორდს. ლინკერიც ამავე აზრზეა: "უეინი უდიდესი ფეხბურთელია, ძალიან მახარებს მისი წარმატებები, რადგან ეს როგორც მისთვის ასევე ინგლისის ნაკრებისთვისაც ძალიან მნიშვნელოვანია. ველოდები იმ დღეს, როდესაც ინგლისის ყველა დროის საუკეთესო ბომბარდირი უეინ რუნი გახდება".
წყარო: www.mirror.co.uk
ახალი ამბები, ინტერვიუები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.