უეინ რუნიმ აღიარა, რომ მისთვის უცნაურია უელბეკის ხილვა "არსენალის" მაისურით, მაგრამ ინგლისელ კოლეგას წარმატებას უსურვებს.
უელბეკი "მეთოფეებს" სატრანსფერო ფანჯრის უკანასკნელ დღეს შეუერთდა. მას შემდეგ იგი საკმაოდ კარგად გამოიყურება როგორც კლუბში, ისე ნაკრებშიც, რისი დასტური სლოვენიასთან გამართული შეხვედრა გახლავთ.
უელბეკმა სლოვენიის ნაკრების კარში ორი გოლის გატანა მოახერხა, რის გამოც რუნის შექება დაიმსახურა.
"რა თქმა უნდა შეიძლება ითქვას, რომ დენიმ მთელი ცხოვრება აქ გაატარა. ის მანჩესტერის მოქალაქეა, ამიტომაც უცნაურია მისი "არსენალის" რიგებში ხილვა. მაგრამ ეს ფეხბურთია და ფეხბურთელები სხვადასხვა კლუბში გადადიან."
"ვფიქრობ, დენისთვის და მისი პირადი კარიერისთვის ეს საუკეთესო ტრანსფერი აღმოჩნდა. ის შესანიშნავად თამაშობს, რამდენიმე გოლიც გაიტანა და კარგად გამოიყურება. დენი გაძლევთ იმას, რასაც ყოველთვის გაძლევთ - კარგ ბიძგს. ის გუნდისთვის ბევრს მუშაობს."
"ხანდახან ვეუბნები მას, რომ ზედმეტად ირჯება, მაგრამ მას გოლები გააქვს და ამას კარგად აკეთებს." - განაცხადა რუნიმ.