მართალია შაბათს მსოფლიოს ორი დიდი კლუბი, "არსენალი" და "მანჩესტერ იუნაიტედი", ხვდება ერთმანეთს და ამით უკვე ყველაფერი ნათქვამია, თუმცა მაინც დიდ ინტერესს იწვევს ანხელ დი მარაისა და ალექსის სანჩესის დუელი.

ორი ვინგერი, ორივე სამხრეთ-ამერიკელი, ლა ლიგის ყოფილი ვარსკვლავები - თითქოს როგორი მსგავსებაა არა?! თუმცა სრულიად განსხვავებული სათამაშო სტილი და განვლილი სეზონი. მოდით ვნახოთ სტატისტიკურად, რომელი მათგანია გამორჩეული:

პასები

პირველ კომპონენტში არცთუ დიდი უპირატესობით ანხელ დი მარია ლიდერობს, მისი გადაცემების 79.4%-მა მიზნამდე მიაღწია, მაშინ როცა სანჩესის მაჩვენებელი 74.9%-ია.

თუმცა გასათვალისწინებელია ისიც რომ, ჩილელი ნახევარმცველი წუთში საშუალოდ 1.67 პასს აკეთებს, ხოლო დი მარია 1.85 წუთში ერთხელ ეძებს პარტნიორს- ეს მეტყველებს იმაზე რომ, ალექსისი უფრო მეტადაა ჩართული შეტევაში.

გამარჯვებული: ფრე - სამხრეთ-ამერიკულ დუელს განსხვავებული სტილი აქვს.

დარტყმები

სანჩესის 8 გატანილმა გოლმა, პირწმინდა გამარჯვება მოუტანა ჩილელს ამ კომპონენტში. ანხელმა მხოლოდ 3-ჯერ შეძლო მეტოქის კარის დალაშქვრა. თუ ზუსტი დარტყმების სიზუსტეს დავაკვირდებით, აქ "მეთოფის" უპირატესობა კიდევ უფრო მყარდება 72.7%. არგენტინელის დარტმების მხოლოდ 52.5% წავიდა კარის მიმართულებით.

გამარჯვებული: სანჩესი

კრეატიულობა

თამაშის ამ ასპექტში უკვე არგენტინელი გამოიყურება უკეთ. "გაეშმაკებულმა ანგელოზმა" 5 საგოლე გადაცემა დაარიგა, რაც სანჩესის შედეგზე მეტია: 3. არგენტინელმა ვიზავიზე მეტი სახიფათო მომენტიც შექმნდა კერძოდ 28, ხოლო ჩილელმა 24.

მართალია, ბოლო დროს ანხელს აკრიტიკებენ ჩაწოდებების სიმრავლის გამო, მაგრამ მისი სიზუსტე ალექსისას სჯობნის.

გამარჯვებული: დი მარია

ართმევები

თანამედროვე ფეხბურთში შემტევის მიერ, წინ ბურთის მოპოვება ძალიან საჭირო და დასაფასებელია. ეს დუეტი კი გამორჩეულია ამ საქმეში.

ერთი-ერთზე დუელების 44.4% ალექსისის გამარჯვებით დასრულდა, ხოლო დი მარიამ მეტოქეს ბურთი შესაძლებელიდან 40% შემთხვევაში აართვა.

თუმცა აქვე ისიც უნდა ვთქვათ რომ, ჩილელმა არგენტინელზე მეტი დრო გაატარა მოედანზე.

გამარჯვებული:ფრე- ორივე ფეხბურთელი რეგულარულად ართმევს მეტოქეს ბურთს.

ეს ყველაფერი მხოლოდ ციფრებია, საბოლოო პასუხს ზემოთ დასმულ კითხვას საშაბათო შეხვედრა გასცემს...