"იუნაიტედში" იჯარით მყოფი კოლუმბიელი 9-იანი, უკვე კარგა ხანია მოედანზე ვერ გადის და ამის მიზეზი წვივის დაზიანებაა, რომელიც რადამელმა ვარჯიშის დროს მიიღო. ამის შესახებ MUTV-სთან საუბრისას განაცდადა და ასევე დასძინა რომ, ჟურნალისტები ყველაფერს კუდებს აბამენ:

"თავს უკეთ ვგრძნობ, ყველაფერი უკეთესობისკენ მიდის და სულ მალე მოედანს დავუბრუნდები. ძალიან იმედგაცრუებული ვარ, რადგან გუნდს ვერ ვეხმარები თანაც ასეთ მნიშვნელოვან მატჩებში, მაგრამ ახლა სიჩქარე დამღუპველი იქნება და სიმშვიდე უნდა შევინარჩუნო.

გაოცებული ვარ იმით, თუ როგორ სხვანაირად "ხატავს" ამ ყველაფერს მედია. ასე ნამდვილად არ შეიძლება, როცა მილიონობით მკითხველი გყავს არ უნდა წერდე სრულ სიცრუეს. მე მცირე ტრავმა მაქვს, პრესაში კი მთელი ამბებია ატეხილი." - დაასრულა კოლუმბიელმა.

როგორც მოგეხსენებათ, სულ ცოტა ხნის წინ გაიმართა "იუნაიტედის" მთავარი მწვრთნელის პრეს-კონფერენცია და ჰოლანდიელმა განაცხადა რომ, ფალკაომ ახალი ტრავმა მიიღო:



ვან გაალი: "ფალკაომ ხელახალი დაზიანება მიიღო და ეს მის დაბრუნებას 2 კვირით გადადებს."

წყარო: carrick.ru