შაბათს "მანჩესტერ იუნაიტედისა" და "არსენალის" მატჩი ჩატარდება. "იუნაიტედის" აკადემიის აღზრდილი ფეხბურთელი, დენი უელბეკი პირველად ითამაშებს თავისი ყოფილი გუნდის წინააღმდეგ.

ჟურნალისტებმა კი მატჩის წინ პრინციპული მეტოქის რიგებში უელბეკის გადასვლა გაიხსენეს.

ლუი ვან გაალმა ინგლისელი ფორვარდი წინასასეზონო ტურნეზე წაიყვანა, სადაც უელბეკმა ერთი გოლის გატანა მოახერხა, თუმცა ეს საკმარისი არ აღმოჩნდა. შემდეგ კი ვან გაალმა უელბეკს ცხადად აცნობა, რომ რეალიზაციის სუსტი მაჩვენებლისა და დაბალი შედეგიანობის გამო ლუი მას "მანჩესტერ იუნაიტედის" ძირითადის ფორვარდად ვერ ხედავდა.

საბოლოოდ კი სატრანსფერო ფანჯრის ბოლო დღეს "მანჩესტერ იუნაიტედს" რადამელ ფალკაო იჯარის წესით შეუერთდა, ხოლო დენი, რომელმაც აკადემიის ყველა საფეხურო განვლო "არსენალში" გაიყიდა, რომელიც ოლივიე ჟირუს შემცვლელს ეძებდა.

საზოგადოების რეაქცია ორ ნაწილად გაიყო. ერთნი მიიჩნევდნენ, რომ კლუბის აღზრდილს არასწორად მოეცნენ, ხოლო მეორენი აცხადებნენ, რომ ცნობილი "კლას 92" გუნდში გამოჩნდა არა ნდობის გამო, არამედ იმ ოსტატობისა და შრომის ხარჯზე, რაც მათ ჰქონდათ. თუმცა ეს არამყარი არგუმენტია, როცა უელბეკზე საუბრობ.



"მანჩესტერ იუნაიტედის" ლეგენდა და აწ უკვე Sky Sports-ის ექსპერტი, გარი ნევილი ერთ-ერთი იყო მათ შორის, ვინც უელბეკის ტრანსფერით უკმაყოფილო დარჩა და 16 მლნ. ფუნტს დაუჯერებლად დაბალი ფასი უწოდა.

როგორც მოგვიანებით გამოჩნდა, ფორვარდი ტრანსფერით კმაყოფილი დარჩა. მას "იუნაიტედში" არ მოსწონდა, რომ ცენტრალურ თავდამსმხელად არ ათამაშებდნენ.

"უკანასკნელ სეზონში დავფიქრდი, თუ რა იქნებოდა ჩემთვის უმჯობესი. როცა მარცხენა ფლანგზე მაყენებდნენ, საკუთარ უნარებს ვერ ვაჩვენებდი. გოლი ვერ გამქონდა და თამაშზე გავლენას ვერ ვახდენდი. ამიტომ მომავალზე ფიქრი დავიწყე" - განაცხადა უელბეკმა გასულ უქმეებზე ინგლისის ნაკრებში ჩატარებული შეხვედრის შემდეგ.

მანამდე კი ინგლისელმა ფეხბურთელმა "არსენალის" ოფიციალურ საიტს განუცხადა, რომ მათი გუნდის მაისურით თავს ადრეც წარმოიდგენდა და "მეთოფეთა" ღირსების დაცვა მისთვის დიდი პატივია.

როგორც ჩანს უელბეკს მიაჩნია, რომ რობინ ვან პერსისა და უეინ რუნის აღემატება ფორვარდის პოზიციაზე და არასაკმარისად თვლის იმ რამდენიმე თვეს, რომელიც მან დევიდ მოიესთან ერთად მუშაობის დროს მიიღო, თუმცა რამდენიმე გატანილი გოლის მიუხედავად მომენტების ცუდი რეალიზაციის გამო ისევ სწუხდა.

"არსენალში" უებელკმა ორი გოლის გატანა მოახერხა პრემიერ ლიგაში "ასტონ ვილასა" და "ჰალ სიტის" კარში.

წყარო: carrick.ru