ლუის ვან გაალს პრობლემები არ ელევა და კიდევ ერთი მოთამაშე შეიძლება გამოაკლდეს, ეს ლუკ შოუა. "იუნაიტედს" უკვე საკმაო ფეხბურთელები ჰყავს ლაზარეთში: ფილ ჯონსის, რაფაელის, ფალკაოს, ჯონი ევანსის და დე ხეას სახით, თუმცა როგორც ჩანს მათი რიცხვი შესაძლოა კიდევ გაიზარდოს.

შოტლანდიასთან გამართული ამხანაგური მატჩის შემდეგ საეჭვოა ლუკ შოუს თამაშიც "არსენალის" წინააღმდეგ, რომელიც ინგლისელთა თავკაცმა შეხვედრის 61-ე წუთზე შეცვალა, რადგან ახალგაზრდა მცველმა ტკივილი იგრძნო. ამის შესახებ თავად ფეხბურთელმა პატარა განცხადება გააკეთა:

"მატჩის განმავლობაში რამდენჯერმე მომხვდა ფეხებში და ასევე ვიგრძენი მცირე ტკივილი ბარძაყის არეში.

შესვენებაზე მწვრთნელთან მოვილაპარაკე ჩემს შეცვლასთან დაკავშირებით და განვუცხადე რომ, არ მსურდა თამაშის ნაადრევად დასრულება, თუმცა მან ასე გადაწყვიტა და მხოლოდ 15 წუთი გავატარე მოედანზე მეორე ტაიმში.

უნდა დავაკვირდეთ ჩემს მდგომარეობას და საბოლოო პასუხი მაშინ გვეცოდინება. იმედი მაქვს ყველაფერი კარგად იქნება." - დაასრულა შოუმ.


წყარო: M.E.N