"მანჩესტერ იუნაიტედის" ამომავალმა ვარსკვლავმა ისაუბრა თუ რაოდენ მნიშვნელოვანი იყო მისთვის ბრაზილიაში ჩატარებულ მსოფლიო ჩემპიონატზე მონაწილეობის მიღება. აღნიშნულ ჩემპიონატამდე, იანუზაი არჩევნის წინაშე იყო და მან საბოლოოდ ალბანეთის, თურქეთისა და კოსოვოს ნაკრებს, მშობლიური ბელგია (დაბადების ადგილი) ამჯობინა. იგი ბელგიის ნაკრებთან ერთად მეოთხედ ფინალამდე მივიდა მსოფლიო ჩემპიონატზე.
"მე 19 წლის ვარ და მსოფლიო ჩემპიონატზე გამგზავრება ჩემთვის ბევრს ნიშნავდა." აცხადებს იანუზაი manutd.com-თან ინტერვიუში. "მე არ მქონია ბევრი სათამაშო დრო, მაგრამ მაინც ვისწავლე უამრავი რამ და მივიღე სოლიდური გამოცდილება. ძალიან სასიამოვნო გახლდათ ჩემი იქ ყოფნა თანაგუნდელებთან ერთად. მე უნდა ვთქვა, რომ გახსენებული მომენტები ჩემთვის გაკვეთილად დარჩება. ეს ნამდვილად მომიტანს სარგებელს მომავალში. "
იანუზაი 23 წლის იქნება, როდესაც მომდევნო მსოფლიო ჩემპიონატი, დიდი ალბათობით რუსეთში გაიმართება და როგორც ყველა ახალგაზრდას, მასაც აქვს ამბიცია იყოს ამ ჩემპიონატის მონაწილე.
"მე დიდი სიამოვნებით წავიდოდი მომავალ მუნდიალზეც. როგორც უკვე ვთქვი, ბრაზილიაში გამოცდილების მისაღებად წავედი. მომდევნო მუნდიალზე კი დანამდვილებით მეცოდინება რა მელის და რას უნდა ველოდო. იქამდე დიდი დროა, მაგრამ იმედი მაქვს ნამდვილად გავემგზავრები მომდევნო მუნდიალზე ბელგიის ნაკრებთან ერთად." დაასრულა იანუზაიმ.
იმ შემთხვევაში, თუ ბელგიის ნაკრებმა შეძლო მომდევნო მუნდიალზე გამგზავრება, მაშინ იანუზაი, რომელიც მატჩიდან მატჩამდე იმკვიდრებს ნაკრებში ადგილს, მეტი თავდაჯერებით უნდა იყოს იმ საკითხთან მიმართებაში, რომ ნაკრებთან ერთად ისიც გაემგზავრება.