"იუნაიტედის" ორი ლეგენდა ინგლისი-შოტლანდიის მატჩის წინ სანაკრებო პერიოდს იხსენებს.
დღეს "სელტიკ პარკზე" შოტლანდიისა და ინგლისის ნაკრებები ერთმანეთს დაუპირისპირდებიან.
"მანჩესტერ იუნაიტედის" ორი ლეგენდა კი, რომლებიც ერთმანეთის წინააღმდეგ სანაკრებო დონეზე ასპარეზობდნენ ნაკრებში გატარებულ პერიოდს იხსენებენ.
დენის ლოუ - 55 მატჩი ნაკრებში, 30 გოლი"როცა შოტლანდიის ნაკრებში თამაშობ, ინგლისელებთან შეხვედრა შენთვის ყველაზე გამორჩეულია. დარწმუნებული ვარ, რომ გორდონ სტრაჩანი ფეხბურთელებს შესაბამისად მომართავს და ისინი განსაკუთრებული ენთუზიაზმით ითამაშებენ."
"როცა ფეხბურთელი ვიყავი, ჩემი ინგლისელი საკლუბო თანაგუნდელები, ნობი სტაილზი, ბობი ჩარლტონი და ალექს სტეპნი პრინციპულ მეტოქეებად იქცეოდნენ."
"აბა ახლა წარმოიდგინეთ როგორი სიმწვავით თამაშობდა ნობი სტაილზი?! ისედაც არ იყო მშვიდი და შოტლანდიის წინააღმდეგ მატჩებში თვალებზე ბინდი ეკვრებოდა და გზად განურჩევლად ყველას ამტვრევდა! მატჩის შემდგომ კი ისევ მეგობრებად ვიქცეოდით და ლუდის დასალევად მივემართებოდით."
სერ ბობი ჩარლტონი - 106 მატჩი ნაკრებში, 49 გოლი"ინგლისის ნაკრებში ჩემი დებიუტი 1958 წელს შოტლანდიის წინააღმდეგ "ჰემპდენ პარკზე" შედგა. იცით რამდენი ინგლისელი ქომაგი იყო იქ? არც ერთი!"
"ჩვენმა კაპიტანმა, ბილი რაითმა მითხრა:
"ბობი, გოლის გატანას თუ მოახერხებ ეს ქომაგი ვერც კი გაინძრევა იმდენად მჭიდროდ სხედან ტრიბუნაზე". ისინი დაახლოებით 60 ათასი იყვნენ და ეს დღე არასდროს დამავიწყდება."
"საბოლოოდ ჩვენ 4-0 ვიმარჯვეთ, მე კი გატანა მოვახერხე."
"ჩემი თანაგუნდელები მეუბნებოდნენ:
"ყოჩაღ ბობი. შესანიშნავი იყო!" შოტლანდიელი მეკარეც კი მოვიდა ჩემთან და მითხრა:
"ძალიან კარგი გოლი გაიტანე." სანაკრებო თამაშებისგან უდიდეს სიამოვნებას ვიღებდი."
წყარო:
manutd.com