"მანჩესტერ იუნაიტედის" ყოფილი მწვრთნელი, სერ ალექს ფერგიუსონი აცხადებს, რომ წითურთმიანი ნახევარმცველის დანახვისას სკეპტიკურად განეწყო.
სქოულზს, რომელსაც რამდენიმე დღის წინ 40 წელი შეუსრულდა "იუნაიტედის" რიგებში 718 მატჩი აქვს ჩატარებული - ამაზე მეტი მხოლოდ გიგზმა და ბობი ჩარლტონმა ჩაატარეს.
ასეთ ნიშნულს პოლმა გასაოცარი ფიზიკური მონაცემების გარეშე მიაღწია, რამაც სერ ალექსშიც კი დაბადა ეჭვი.
"როცა პირველად დავინახე ის ძალიან ახალგაზრდა, მორცხვი ბიჭი იყო. გავიფიქრე, რომ პოლი ძალიან დაბალია - ის ზედმეტად პატარა იყო.
"თუმცა გადავწყვიტე მისთვის შანსი მიმეცა, რადგან მისი თავდადება მომეწონა. როგორც ხედავთ, გადაწყვეტილებამ გაამართლა.
ხანდახან ნიჭი მართლაც მაშველად გვევლინება, როგორც ამ შემთხვევაში მოხდა.