შოტლანდიისა და ინგლისის ნაკრებების მატჩის წინ უეინ რუნიმ ახალგაზრდა თანაგუნდელები გააფრთხილა იმ ატმოსფეროს შესახებ, რომელიც მათ "სელტიკ პარკზე" ელოდებათ.
1999 წლის შემდეგ ინგლისის ნაკრები პირველად ითამაშებს შოტლანდიაში და მოულოდნელი სულაც არ არის ის ფაქტი, რომ ამ მატჩის ირგვლივ დიდი აჟიოტაჟი ატყდა.
მატჩს ინტრიგას ისიც სძენს, რომ იგი "სელტიკ პარკზე" ჩატარდება, რომელიც თავისი შემაძრწუნებელი ხმაურით იწონებს თავს.
გლაზგოში გამართულ პრეს-კონფერენციაზე რუნიმ თავისი ახალგაზრდა თანაგუნდელები გააფრთხილა, რომ ადგილობრივი ქომაგი მათ მწყობრიდან გამოყვანას ეცდება
"რამდენიმე ახალგაზრდა ფებხურთელს გავესაუბრე, რათა დავრწმუნებულიყავი, რომ მატჩისთვის მზად არიან. თუ მზად არ იქნებიან, "სელტიკ პარკის" ატმოსფერომ შესაძლოა ისინი შეიწიროს."
"ეს დიდი გამოცდილება იქნება. რამდენიმეჯერ მითამაშია აქ და ვიცი როგორ უჭერს ქომაგი მხარს თავის გუნდს. ასეთი ატმოსფერო შესაძლოა ძალზედ საშიში აღმოჩნდეს, ამიტომ მინდოდა დავრწმუნებულიყავი, რომ ახალგაზრდა ფეხბურთელები თავს კარგად გრძნობენ."
"ყველამ იცის, თუ რით განსხვავდება ეს სტადიონი დანარჩენებისგან. ადგილობრივებს აქვთ იმ ქომაგთა რეპუტაცია, ვინც მოწინააღმდეგეს შიშს ჰგვრის."
"როცა პირველად ვითამაშე აქ, ეს ენით აღუწერელი გამოცდილება იყო. ვფიქრობ, ასეთი ატმოსფეროს გამოცდა ყველას სურს." - განაცხადა რუნიმ.