"ევერტონის" პრეზიდენტი, ბილი კენრაიტი უეინ რუნის "გუდისონ პარკზე" დაბრუნებას არ გამორიცხავს.
2004 წელს რუნი სწორედ "ევერტონიდან" გადაბარგდა "მანჩესტერ იუნაიტედში" და მიუხედავად იმისა, რომ იმ დროისათვის მხოლოდ 19 წლის იყო, ინგლისური ფეხბურთის ვარსკვლავად ითვლებოდა.
მას შემდეგ 10 წელიწადი გავიდა, რუნიმ ტიტულების მოგებასთან ერთად ნაკრებისა და "იუნაიტედის" კაპიტნის სამკლაურიც მიიღო.
უეინი ხშირად იხსენებს "ევერტონში" გატარებულ დროს და კენრაიტს იმედი აქვს, რომ რუნი სწორედ მის გუნდში დაამთავრებს პროფესიონალურ კარიერას.
"ვფიქრობ ის დაბრუნდება "გუდისონზე". ის და მისი ოჯახი აქ გაიზარდნენ და რა თქმა უნდა მოხარულები ვიქნებით, თუ ჩვენთან დაბრუნებას გადაწყვეტს."
"არ იფიქროთ, რომ ეს მხოლოდ რჩევაა. ჩემი საქმე მხოლოდ რჩევის მიცემაა, მაგრამ თუ რუნის დაბრუნების საკითხი დღის წესრიგში დადგება, უკანასკნელი სიტყვა რობერტო მარტინესს მიეკუთვნება." - განაცხადა "ევერტონის" პრეზიდენტმა.