არგენტინის ნაკრების მთავარი მწვრთნელი, ხერარდო მარტინო აცხადებს, რომ დი მარიას სათამაშო ფორმის ვარდნით გაკვირვებული არ არის.
არგენტინელი ფეხბურთელის კარიერა "ოლდ ტრაფორდზე" შესანიშნავად დაიწყო - პირველ ექვს შეხვედრაში დი მარიამ სამი გოლი გაიტანა და ოთხი საგოლე გადაცემა გააკეთა. ამის შემდეგ კი მან თამაშს მოუკლო, რასაც მარტინოს თქმით ლოგიკური ახსნა აქვს.
"უნდა ვთქვა, რომ ანხელი მსოფლიოს ერთ-ერთი საუკეთესო ფეხბურთელია. მან გასაოცრად დაიწყო თავისთვის ახალი პერიოდი, რაშიც ახალ კლუბთან, ახალ ლიგასთან, ახალ გუნდთან, ფეხბურთის სხვა სტილთან და სხვა პარტნიორებთან შეგუება იგულისხმება."
"ფორმა, რომელშიც ამჟამად იმყოფება უფრო მეტად ჰგავს იმ მოთამაშის ფორმას, რომელიც ახალ გუნდს ეგუება, ვიდრე ის ფორმა, რომელსაც საწყის ეტაპზე აჩვენებდა, როცა სცენას დაუბრუნდა და წარმატებით მოქმედებდა." - განაცხადა მარტინომ.