"მანჩესტერ იუნაიტედის" მეკარე, დავიდ დე ხეა "არსენალთან" შეხვედრისთვის გამოჯანმრთელების იმედს არ კარგავს, ხოლო დეილი ბლინდი ნამდვილად ვერ მოახერხებს თამაშს.

შეგახსენებთ, რომ ესპანეთის ნაკრების ერთ-ერთ ვარჯიშზე დე ხეამ ნეკა თითი დაიზიანა, რის გამოც იგი გერმანიისა და ესპანეთის ნაკრებების დღევანდელ დაპირისპირებას გამოტოვებს, თუმცა შესაძლოა შაბათს მწყობრში ჩადგეს.

დავიდის შესახებ საბოლოო გადაწყვეტილებას ექიმები მიიღებენ. თუ პასუხი უარყოფითი იქნება, ანდერს ლინდეგაარდს ბოლო ორი წლის განმავლობაში მეორედ მიეცემა სასტარტო შემადგენლობაში თამაშის შანსი.

გუნდს ვერ დაეხმარება დეილი ბლინდი, რომელსაც The Guardian - ის მტკიცებით მუხლის ტრავმა აქვს და თვე ნახევარს გამოტოვებს. ტრავმის შესახებ ინფორმაციას ადასტურებს Daily Star, თუმცა გამოჯანმრთლებისთვის საჭირო დროდ ერთ თვეს ასახელებს.

ექიმებს მოუწევთ მაიკლ კერიკის მდგომარეობაც შეაფასონ, რომელმაც ინგლისის ნაკრების რიგები ნაადრევად დატოვა.

წყარო: fapl.ru