"მანჩესტერ იუნაიტედის" ყოფილი მწვრთნელი, სერ ალექს ფერგიუსონი აცხადებს, რომ მიმდინარე სეზონში "წითლების" თამაშისგან სიამოვნებას იღებს.
სერ ალექსი 2013 წლის წარმატების შემდეგ კლუბს გამოემშვიდობა და პენსიაში გავიდა.
მისი წასვლის შემდეგ "იუნაიტედის" საქმე სულ უკან წავიდა - დევიდ მოიესი, რომელმაც კლუბში არაერთი ანტირეკორდი დაამყარა აპრილში 10 თვიანი მუშაობის შემდეგ დაითხოვეს.
მიმდინარე სეზონში კი ლუი ვან გაალის გუნდი მე-7 ადგილს იკავებს და მხოლოდ ორი ქულით ჩამორჩება ოთხეულს, თუმცა კლუბს პრობლემები აქვს ტრავმიანობასთან დაკავშირებით და რამდენიმე მოულოდნელი მარცხიც განიცადა.
მიუხედავად ამისა, სერ ალექსი, რომელიც კლუბში დირექტორი თანამდებობას იკავებს მიმდინარე სეზონისგან სიამოვნებას იღებს.
"ახლა შემიძლია წავიდე და გუნდის თამაშებს სამსახურის გარეშე ვადევნო თვალი."
"ჩვენ წავაგეთ "სიტისთან", მაგრამ კარგად ვითამაშეთ. მშვენიერ ფეხბურთს ვაჩვენებთ. 11 კაცით რომ დავრჩენილიყავით, ვინ იცის რა შეიძლება მომხდარიყო."
"მე სიამოვნებას ვიღებ ფეხბურთისგან, სიამოვნებას ვიღებ ჩემი ოჯახისგან, ჩემი მეგობრებისგან და სიამოვნებას ვიღებ პენსიაში გასვლისგან."
"მე "იუნაიტედის" ელჩი ვარ და დირექტორთა საბჭოში შევდივარ, ასე რომ, ბევრ მატჩს ვადევნებ თვალს, მაგრამ გასახდელი ოთახის ატმოსფერო მენატრება, რა თქმა უნდა მოთამაშეებიც, მაგრამ ასევე შტაბი."
"თითოეული ადამიანი - მწმენდავები, მზარეულები, ადმინისტრაციაში შემავალი ხალხი, სათამაშო ფორმის პერსონალი. ნამდვილი ღირსეული, პატიოსანი ხალხი. ისინი დიდი ხანია არ მინახავს, ახლა კი ვაპირებ." - განაცხადა ფერგიუსონმა.