მარკოს როხო გამოტყდა, რომ "მანჩესტერ იუანიტედში" გადასვლამდე "სპორტინგს" გაფიცვა მოუწყო.
როხოს ტრანსფერის შესახებ მოლაპარაკებები ძალიან რთულად წარიმართა, რადგან შეთანხმებაში მესამე პირი ჩაერია, რომელიც როხოს ტრანსფერში გადახდილი თანხის წილს ითხოვდა.
თავად მარკოსს კი იმდენად სურდა მანჩესტერში გადასვლა, რომ აგვისტოში ლისაბონურ კლუბთან ერთად ვარჯიშზე უარი განაცხადა. სიტუაცია მხოლოდ ხუან სებასტიან ვერონის ჩარევის შემდეგ შეიცვალა.
"დიდი სიურპრიზი იყო ჩემთვის, როცა მითხრეს, რომ "მანჩესტერ იუნაიტედი" ჩემით ინტერესდებოდა."
"როცა ჩემმა წარმომადგენელმა შემატყობინა ამ ამბის შესახებ, პორტუგალიაში ვიმყოფებოდი. სურდა, რომ სიმშვიდე შემენარჩუნებინა, მაგრამ არ შემეძლო. ამ ოცნებით ვცხოვრობდი."
"მოთმენა აღარ შემეძლო. აგენტს რამდენიმეჯერ დავურეკე, ხოლო როცა ცნობილი გახდა, რომ ტრანსფერი აღარ შედგებოდა, "სპორტინგთან" ერთად მუშაობაზე უარი ვთქვი."
"შემდეგ კი პროცესში ვერონი ჩაერია. მკაცრ მამასავეთ მომექცა და პირობა წამომიყენა."
"ერთხელ, როცა "სპორტინგთან" ერთად ვარჯიშზე უარი განვაცხადე, ვერონმა დამირეკა და მითხრა: "ნუ გაჯიუტდები. თუ "მანჩესტერ იუნაიტედს" ფეხბურთელი სურს, მას არ მოეშვება." ამის შემდეგ სამუშაოს დავუბრუნდი... შემდეგ კი ტრანსფერიც შედგა." - განაცხადა როხომ.