"მანჩესტერ იუნაიტედის" კაპიტანი, უეინ რუნი აცხადებს, რომ სურს ნაკრებში რაც შეიძლება დიდ ხანს დარჩეს.
მიმდინარე წელს ეშლი კოულმა, სტივენ ჯერარდმა და ფრენკ ლამპარდმა ნაკრებში გამოსვლა დაასრულეს, რათა ყურადღება საკლუბო მატჩებისთვის დაეთმოთ.
თუმცა 29 წლის რუნი ამხანაგებისთვის მიბაძვას არ აპირებს.
"ნაკრებიდან ბევრი ფეხბურთელი წავიდა - სტივენ ჯერარდი, ფრენკ ლამპარდი, ეშლი კოული და რიო ფერდინანდი. ამის შესახებ ჩემ ცოლს ველაპარაკე და ვუთხარი, რომ ეს არ მაშინებს."
"როცა გარკვეულ ასაკს აღწევ, იმ დასკვნამდე მიდიხარ, რომ უმჯობესია საკლუბო კარიერაზე გაამახვილო ყურადღება."
"მაგრამ კოლინმა მითხრა: "ფეხბურთელის კარიერა ძალიან ხანმოკლეა, ამიტომ საკმარისი დრო გექნება ოჯახზე ზრუნვისთვის. თუ სანაკრებო კარიერას დაასრულებ, ამას ყოველთვის ინანებ."
"ვიფიქრე: "დიახ, ეს ხომ მართლაც ასეა. მე მიყვარს ფეხბურთი, მიყვარს ამის კეთება. მიყვარს საკუთარი ქვეყნის წარდგენა და ნამდვილად ვინანებ, თუ სანაკრებო კარიერას დავასრულებ."
"მანამ ვითამაშებ, სანამ ჩემი სამსახური მწვრთნელს დასჭირდება." - განაცხადა რუნიმ.