შაბათს გამართული შეხვედრის წინ, რომელშიც ინგლისის ნაკრები სლოვენიის ნაკრებს დაუპირისპირდა უეინ რუნიმ ბობი ჩარლტონისგან სპეციალური პრიზი მიიღო, რომელიც რუნის მიღწევას მიეძღვნა.
თავად შეხვედრაში კი რუნი მშვენივრად გამოიყურებოდა - ინგლისელებს გამარჯვების მოპოვებაში დაეხარა და ერთი გოლიც მიითვალა, რითაც ნაკრების მესამე საუკეთესო ბომბარდირს ჯიმი გრივზს გაუთანაბრდა.
"ეს შესანიშნავი გრძნობაა. დიდი კვირა და დიდი მოვლენა გახლავთ - ვამაყობ იმით, რომ ამ მატჩზე კაპიტნის რანგში ორ შვილთან ერთად გამოვედი. ეს მთელი ცხოვრება მემახსოვრება." - განაცხადა რუნიმ.
ნაკრების კაპიტანმა შექება დაიმსახურა თავისი მწვრთნელისგან, როი ჰოჯსონისგან, რომელმაც რუნის ლიდერის ხასიათს გასვა ხაზი.
"ეს გასაოცარი საღამო გახლდათ მისთვის. ის ჩემთვის და მთელი ინგლისური ფეხბურთისთვის ძალიან მნიშვნელოვანია. დღეს ღამით მან მართლაც მიიღო თავისი ჯილდო - ყველაფერი მის გამო კეთდებოდა."
"ის მეასედ გამოჩნდა ნაკრების შემადგენლობაში და გაიტანა მნიშვნელოვანი გოლი, რამაც ინგლისელებს გამარჯვებისკენ გაუკვალა გზა. გვიხარია მის გამო." - განაცხადა ჰოჯსონმა.