დეილი ბლინდმა განაცხადა, რომ თუ მას ნახევარდაცვაში თამაშის საშუალება მუდმივად მიეცემა, საკუთარ შესაძლებლობებს დაამტკიცებს.
"კრისტალ პალასთან" დაცვის ცენტრში თამაშის შემდეგ დეილი ბლინდი ნაკრებში კიდევ ერთხელ გამოიძახეს, სადაც ნახევარცმველის პოზიციაზე თამაშობდა და მექსიკის ნაკრების კარში გოლის გატანაც მოახერხა.
მიუხედავად იმისა, რომ ბლინდი "აიაქსში" საყრდენი ნახევარმცველის პოზიციაზე იწყებდა ასპარეზობას, ჰოლანდიის ნაკრებში მას უფრო ხშირად იყენებდნენ მარცხენა მცველად. ბლინდის თქმით, მას ნახევარცველად თამაში ურჩევნია, თუმცა თუ ვან გაალის გუნდს დასჭირდება, მცველადაც ითამაშებს.
"ვფიქრობ, ნახევარდაცვა ჩემთვის საუკეთესო პოზიციაა და გუნდისთვის ყველაზე მეტი სარგებლის მოტანა სწორედ აქ შემიძლია."
"შესაძლოა მე უკეთ გამოვიყურები ამ პოზიციაზე, მაგრამ თუ მწვრთნელს დასჭირდება მარცხენა მცველადა ვითამაშო, ასეც მოვიქცევი. ეს არ არის პრობლემა."
"მე ვარ ფეხბურთელი, რომელიც ინარჩუნებს ბურთს და მთელ გუნდს ეხმარება. მე ვარ მოთამაშე, რომელსაც მარტივი პასების კეთება უყვარს, მაგრამ ჯერ კიდევ გასავითარებელი მაქვს საკუთარი თავი. ვცდილობ ყოველთვის ყველაფერი გავაკეთო და ის შევასრულო, რასაც მწვრთნელი დამავალებს." - განაცხადა ბლინდმა.